PENGANTAR FONETIK DAN FONOLOGI DALAM BAHASA IBAN (PENGANTAR FONETIK ENGGAU FONOLOGI JAKU IBAN)

Tabi puji. 

Keterubah aku chukup beterima kasih ngagai Tuhan laban udah meri peluang ngagai aku nembuka kereja kus tu enggau manah sereta dianjung maya timpuh ti diasuh. Ukai nya aja, aku mega meri besai terima kasih ngagai pengelicha kereja kus tu iya nya pengelicha *****laban udah meri peransang sereta chara ti betul maya ngaga kereja kus tu. Enti nadai iya jangka aku enda tembu kereja kus tu. Pia mega, terima kasih ngagai iya laban udah meri penerang ti chukup terang lalu ulih diperetika aku maya deka ngaga kereja kus tu.

Enda tinggal mega ngagai apai enggau indai aku ti udah meri sukung moral ti positif maya aku ngaga kereja kus tu. Meri besai terima kasih ngagai seduai iya laban udah meri sukung ari segi duit enggau peransang ti manah maya begagaka kereja kus tu. Kelimpah ari nya, terima kasih ngagai bala aka-aka(PISMP BIB JAN 2013) ke tuai agi ari kami laban udah meri penerang senentang baka ni ngaga kereja kus tu enggau manah sereta betul.

Meri terima kasih mega ngagai bala kaban aku empu ti udah betulung maya ngaga kereja kus tu baka sida******* sereta enggau bala kaban ke bukai ti udah besaup ngerekai penemu ba topik kereja kus tu. Pemanah kita dikingatka aku belama.

Jaku pemuka.

  Bidang fonologi nya bidang ti mansik siti ari aspek ti pemadu beguna ba dalam jaku iya nya munyi. Bidang tu mega disebut orang bidang fonetik. Tang kebendar iya entara fonologi enggau fonetik bisi bida iya. Bidang fonetik mansik fenomena munyi tauka randau ba siti-siti sitak komuniti, tang bidang fonologi mansik sistem munyi-munyi jaku ba randau kelebih agi ngagai siti-siti jaku. 

Bepelasarka teknik ti dipansik, bidang fonetik ulih dibagi ngagai tiga, iaitu fonetik auditori, fonetik akustik dan fonetik artikulasi. Fonetik audotori iya nya siti pansik ti bekaul enggau baka ni chara mendingka munyi – munyi ti diasilka. Fonetik akustik siti pansik ti bekaul enggau tukuh munyi  nya empu . disebut enggau jaku bukai, bidang tu mansik senentang “nama” nya munyi. Bagi fonetik akustik munyi kebendar iya nya siti gelombang – gelombang angin pansut ari lempuang udahnya ngemai beberapa iti bida laban bisi dikacahau beberapa iti alat- alat artikulasi kebukai. 

Fonetik artikulasi mega siti fonetik ti mansik senentang baka ni munyi-munyi jaku nya diasilka tauka dipansutka. Munyi – munyi nya diasilka ari kesuh angin ti pansut ari lempuang (angin ba ditu iya nya angin ti tama pansut ari lempuang maya siku-siku kitai) udahnya lalu ba pita sura nyawa ti ulih nentuka gaya munyi nya nyarih, besai, lubah tauka mayuh agi bansa munyi. Udahnya munyi nya pansut ari rumbang idung awaka ngenataika “hengung”. Udahnya munyi tu ulih ngemai bemacham – macham utai ti ngachau ti digaga bala kereban artikulasyen ba rumbang nyawa  kebuah pia awaka ulih ngasilka munyi ti bebida. 

Bepelasarka chara mansutka munyi, bisi beberapa iti bansa munyi baka munyi meletup, bekindas, benat enggau ke bukai. Ba kereja kus tu aku deka berandauka tauka bejuraika senentang fonetik artikulasyen.

1. Jurai senentang kereban artikulasyen dikena ngasilka munyi jaku Iban.

Kereban – kereban artikulasyen iya nya siti kereban tauka organ – organ ti beguna maya mansutka munyi - munyi jaku. Semua kereban nya tau dipeda ba baruh tu:

 

   Kar 1. Gambar mandangka kereban artikulasyen.

1 Mulut atas 11 Tengah dilah

2 Mulut baruh 12 Belakang dilah

3 Ngeli atas 13 Butuh dilah

4 Ngeli baruh 14 Epiglottis

5 Gusi 15 Peti sura nyawa

6 Kelekanit kering 16 Rumbang tekak

7 Kelekanit lemi 17 Rumbang idung

8 Anak tekak 18 Rumbang nyawa

9 Ujung dilah 19 Rang

10 Mua dilah 20 Batang rekung

1. Mulut. 

Mulut iya nya siti kereban artikulasyen ti bepalan ba bagi luar rumbang mulut ti beguna maya ngempang pejalai kesuh angin. Mulut mega siti kereban tubuh ti lemi lalu ulih hampar lalu bundar. Maya iya ngemunyika munyi [i] lalu mulut nya lalu nyadi hampar, tang maya ngasilka munyi [u] mulut nyadi bundar. Mulut juga beguna maya nyekat kesuh angin ti pansut ari rumbang nyawa. Ambika chunto, dikena ngasilka munyi [m] maya tu angin disekat ba mulut.

2. Dilah. 

Dilah siti kereban ke pemadu beguna enggau paling aktif maya mansutka munyi jaku. dilah mega ulih dibagi ngagai empat bagi iya nya mua ujung dilah,tengah dilah, pun dilah enggau belakang dilah. Pemagi tu ngasuh dilah ngaga deskripsyen pemayuh gaya ngasilka munyi. Bagi mua dilah, tengah enggau belakang dilah begun aba pengasil munyi-munyi belakang vokal, iya nya bagi ke paling aktif enggau ulih bekinsitka kini – kini bagi mulut dikena nyekat kesuh angin. Ujung dilah siti bagi dilah ke betemu enggau ngeli. 

Daun dilah mega siti bagi ti betemu enggau gusi. Mua dilah siti bagi ke berbandang enggau kelakanit kering tauka dilah pengudah daun dilah. Tengah dilah bebandang entara penemu kelekanit kering enggau kelekanit lemi. Belakang dilah iya nya siti ari bagi dilah ke paling belakang. Akar dilah mega siti ari bagi ke damping enggau pita sura nyawa lalu nyadika fungsi ngubah pengelapang rumbang rekung.

3. Gusi.

Gusi iya nya kereban bejaku ti bepalan di entara ngeli enggau kelekanit kering. Gamal gusi nya cembung lalu beguna ba palan artikulasyen, iya nya palan maya nyebut. Gusi bekereja maya mansutka munyi – munyi baka munyi [t] [d] [i] enggau ti bukai agi lalu ditulung ujung dilah ti beguna maya nyekat agin ti dikesuhka.

4. Kelekanit.

Kelekanit ulih dibagi ngagai dua iya nya kelekanit lemi enggau kelekanit kering. Kelekanit kering  bepalan ba entara gusi enggau kelekanit lemi. Kelekanit kering tu mega begun aba palan artikulasyen maya mansutka munyi – munyi. Kelekanit lemi mega bpelan ke dalam mimit iya nya sepengudah kelekanit kering tauka sebedau anak tekak. Kelekanit lemi ulih dikinsitka ke atas ke baruh. Maya iya diturunka ke baruh, rumbang nyawa lalu tetutup enggau kesuh angin pansut ari rumbang idung  maya iya diturunka, rumbang nyawa deka ditutup lalu angin deka dipansal pansut ari rumbang idung.  Nya alai kereban tu beguna amat dikena nentuka tauka nya munyi ti dipansutka nya munyi benat tauka enda. Maya kelekanit lemi diturunka, munyi ti pansut iya nya munyi benat enggau maya ditikika munyi ti pansut  ukai nya munyi benat.

5. Anak tekak.

Anak tekak bepalan ba belakang rumbang nyawa enggau berimbai enggau kelekanit lemi(anak tekak besatup  enggau kelekanit lembut). Anak tekak selalu iya beguna ba kereban bejaku begulai enggau kelekanit lemi kelebih agi maya nentuka munyi ti deka dipansutka munyi benat tauka ukai. Nya alai anak tekak nya ulih dikinsitka kia – kia, tauka iya diturunka lalu ditikika.

6. Rumbang.

Rumbang tu enti dipeda kitai ba kar di atas kitai ulih meda rumbang tu ulih dibagi ngagai tiga iya nya rumbang nyawa, rumbang idung enggau rumbang tekak. Rumbang siti bagi lapang lalu nyadi palan jalai angin ti pansut ari lempuang. Rumbang tekak bepun ari bagi mungga ke atas sepengudah peti sura nyawa datai mah ngagai palan anak tekak. Rumbang nyawa  mega bepun ari mua ke mua belakang dilah lalu ngemai ke ngagai bagi mulut iya nya mungga ke dalam, tang rumbang idung bepun ari bagi ari belakang anak tekak nyentukka ke idung. Rumbang tekak enggau rumbang idung ulih dibuka tauka ditutup, nya mega bepangai ba penyamai anak tekak enggau kelekanit lemi maya iya diturunka tauka ditikika.

7. Ngeli.

Ngeli ngembuan pemanah ba dalam mulut maya ngasilka munyi – munyi jaku tang pemanah iya enda aktif. Ngeli mega enda ulih dikinsitka lalu fungsyen iya mega dikena ngetanka kesuh angin ti terus pansut enggau meras ari rumbang nyawa. Ambika chunto maya besebutka munyi – munyi [ө], [ǰ], [č] dan [ð] ngeli pen lalu sama bekereja iya nya maya nyebut.

8. Peti sura nyawa.

Peti sura nyawa bepalan ba endur ke paling dalam rumbang rekung enggau iya amat beguna amat maya ngasilka munyi. Siku – siku kitai ti bisi penanggur ba peti sura nyawa ulih nganu sada nyawa kitai lalu ulih nyadi bisu. Peti sura nyawa bisi dua iti selaput ti ulih  tebuka enggau tutup. Uji peda baka ni penyadi iya ba kar baruh tu.

  

Grafik 2. Gambar mandangka peti sura nyawa maya tebuka  enggau tutup.

Ruang baka dipeda ba atas nya kedua – dua selaput nya disebut glottis. Maya kedua – dua selaput nya diperimbaika glottis deka nyadi sempit tauka tetutup enggau maya ia direngangka  ia nyadi besai.

Peti sura nyawa amat beguna maya nentuka siti – siti munyi nya bemunyi tauka enda. Maya selaput nyawa disempitka(tang enda kelalu rapit), maya angin dikesuh ari lempuang pansut ari ya, nya kebuah bisi begetar. Munyi ti nyadi disebut munyi bejaku. Maya selapu t nyawa direngangka enggau glotis tebuka tang enda kelalu besai, maya nya mega engine lalu pansut tang nadai begetar enggau munyi diasilka munyi enda bejaku. 

Maya peti sura nyawa nya dirapitka terus, angin deka bisi penagggur nyekat lalu maya angin nya dikesuhka enggau laju lalu iya ngasilka munyi batuk. Tang maya peti sura nyawa dibuka enggau besai, angi deka bulih penanggur nyekat munyi lalu pansut enggau meras pia mega nadai begetar nyadi lalu tang semina ngasilka munyi ti betusi aja. 

9. Rang. 

Rang enda entu entap dikena maya ngasilka munyi – munyi jaku. tang taja pia, penuduk iya chukup beguna maya ngasilka munyi vokal. Rang tebuka(atas enggau baru) iya nya sempit maya ngasilka munyi vokal [i] dan [u] lalu tebuka maya ngasilka munyi vokal [a] enggau [ɔ].

10. Epiglotis. 

Epiglotis tetanam ba ujung batang rekung kitai mensia. Organ tu bisi ditu ketegal iya napi tanggung pengawa napis pemakai ti diempa kitai enggaika iya tama ke dalam lempuang lalu nekul pejalai munyi jaku ke dipansutka organ bukai. Reti iya, nutup lubang angina lebuh kitai nelan pemakai nengah rekung.

2. Jurai senentang palan artikulasyen maya ngasilka munyi jaku Iban.

Palan ti ngasilka munyi jaku nya dikumbai palan artikulasyen.  Nitihka penemu ba fonetik artikulasyen, palan artikulasyen nya endur rumbang nyawa ti bisi ditegu organ artikulasyen maya ngasilka siti-siti munyi jaku. Mega tau dikumbai endur kesuh angin disekat. Pia mega, organ artikulasyen ti sama tau ngasilka munyi jaku ti enda sebaka enti iya betegu enggau palan artikulasyen bukai. Chunto, enti ujung dilah negu endur belakang gusi atas sereta kelekanit lemi betemu enggau rumbang rekung, munyi ti diasilka iya nya munyi [t]. 

Palan artikulasyen mega ngundan reti ti madahka endur tauka alai organ artikulasyen bisi besendi tauka betegu enggau kereban ti bisi aba rumbang nyawa maya ngasilka munyi jaku. Chunto, munyi [b] asil ari angin ti tesekat maya mulut atas bekatup enggau mulut baruh. Baka nya mega munyi [i] asil ari ujung dilah ti bisi negu gusi lalu kesuh angin neresu ari tisi dilah. Nitihka Padang enggau Chemaline, 2011:29: palan artikulasyen nya palan tauka endur munyi jaku diasilka. Palan artikulasyen nentuka bakani siti-siti munyi pansut, sekalika iya munyi konsonan tauka munyi vokal. Palan artikulasyen nya mega nunjukka dini alai kesuh angin ti pansut ari lempuang nya bisi tesekat maya kitai ngasilka munyi jaku.

Palan artikulasyen

Palan

Artikulasyen Munyi Chunto leka jaku

Mulut Bilabial

[b]

[p]

[m] 

ngeban

nepan

mandi

Mulut 

Enggau ngeli Labio-dental

[f]

[v] 

Sulfhur

Van

Gusi di belakang

Ngeli Alveolar

[t]

[d]

[n]

Ketup

Dapur

Ikan

Dilah enggau

Ngeli Interdental

[th]0 Nadai munyi tu dalam jaku Iban

Lelangit kering

Palato-alveolar

[f]

[3]

[tf] 

Nadai dalam jaku Iban

Nadai dalam jaku Iban

Nadai dalam jaku Iban

Lelangit lemi Velar

[k]

[g]

[n] 

Kami

Gerah

Pisang

Glotis Glotal

[h]

[‘] 

Rumah

Raga’

Palan ti ngasilka munyi jaku.

Bilabial  (mulut) • Ngena dua iti mulut, iya nya mulut atas enggau mulut baruh. Kesuh angin ari lempuang tesekat maya mulut ditambit, iya nya mulut atas enggau baruh bekatub. Chunto nyebut leka jaku pasir, mija enggau batu.

Mulut – ngeli (labio – dental) • Munyi ti diasilka maya ngeli atas betegu enggau mulut baruh. Taja pan kesuh angin ari lempuang bisi tesekat, tang iya agi ulig meresu pansut. Chunto maya nyebut leka jaku baka trafik, laya enggau ven.

Ujung dilah – ngeli (dental) • Palan artikulasyen ti tau ngasilka munyi [ᶿ] iya nya maya dilah diengkah entara ngeli baruh. Kesuh angin bisi pansut neresa selepak ti mit entara dilah enggau ngeli baruh. Chunto, Othman.

Ujung  dilah  - gusi (alveolar) • Palan artikulasyen ti tau ngasilka munyi [t], [d], [n] iya nya maya kesuh angin tesekat enggau pengambis iya lebuh ujung dilah betegu enggau ngeli atas. Tang [z[, [s] iya nya kesuh angin enda tesekat enggau pengambis iya.

Retrofleks • Palan artikulasyen ti baka tu tau ngasilka munyi [r]. Ujung dilah diangkat tinggi dalam rumbang nyawa lalu begelung mimit negu kelekanit kering tang enda tentu balat. Chunto, maya nyebut leka jaku baka rumah, raga, rumpak, enggau rawan.

Mua dilah – kelekanit kering (palatal) • Palan artikulasyen ke bansa tu nyadi lebuh ujung dilah diangkat sereta negu kelekanit kering. Munyi [ ʃ ], [ ʤ ], [ŋ], [I]. Kesuh angin meresu nengah tisi dilah. Chunto, eksyen, belang enggau lekat.

Belakang dilah – kelekanit lemi (velum) • Palan artikulasyen ke bansa tu nyadi maya belakang dilah lalu betegu rapit enggau kelekanit lemi. Kesuh angin tesekat maya dua bansa organ artikulasyen nya tadi betegu tang udahnya dikesuhka enggau ngenyit, baka maya ngasilka munyi [k] enggau [g]. Munyi [n] dipenyadi sebaka enggau dua bengkah munyi di atas nya tadi, semina kesuh angin nya pansut neresa rumbang idung. Chunto [gaga], [kaniŋ] enggau [nagaŋ].

Glotal • Palan artikulasyen ke bansa tu nyadi maya ruding sura nyawa tebuka tauka ditutup, baka maya kitai ngasilka munyi [h] enggau [ Ɂ ]. Munyi [h] dipenyadi maya angin ari lempuang dikesuh keluar lalu bisi neresa ruding sura nyawa ti tebuka umbas pemesai. Munyi [ Ɂ ]dipenyadi lebuh ruding sura nyawa ditutp rapit sebedau angin ari lempuang dikesuh enggau jampat. Chunto kak, rumah enggau raga.

3. Jurai senentang chara ngasilka munyi vokal, konsonon jaku Iban.

A. Chara ngasilka munyi vokal.

Vokal.

Vokal iya nya munyi ti bejaku maya diasilka maya angin ari lempuang ti pansut enggau mayuh nengah rumbang tekak enggau rumbang nyawa lalu nadai dikachau. Vokal ulih dibagi ngagai dua iya nya:

i    Vokal mua

ii   Vokal tengah

iii  Vokal belakang

vokal tu bisi lambang iya empu. Baka [a], [i], [e], [ɛ], [ə], [Ʒ], [u],  [o] enggau [ɔ]. Munyi vokal mua iya nya baka [a], [e], [i] engages [ɛ]; munyi vokal tengah baka [ə], [Ʒ]; lalu munyi vokal belakang nya [u],  [o] enggau [ɔ]. Sekeda leka jaku nya ti disebut ngena vokal mua nya baka [a]:api. Vokal  tengah mega baka  [ə]: empai. Pia mega munyi vokal belakang [u]: ulam. Di atas tadi siti ari chunto penerang senentang munyi vokal mua, tengah enggau belakang

Tempat vokal dipandangka baka dibaruh tu.

 

Grafik 3.  Gambar tempat vokal dipandangka baka tu.

Vokal. 

 Chara ngasilka. 

   Chunto 

Vokal mua 

[i], [e], [ɜ], enggau [a]. • Munyi vokal mua tu begunaka rengka artikulasyen baka dilah, pemesai rumbang nyawa enggau tukuh mulut. Palan artikulasyen ti diguna iya nya kelekanit kering. 

Vokal mua sempit [i] • Munyi vokal mua sempit tau didinga maya mua dilah diangkat pemadu tinggi lalu negu kelekanit kering. 

• Udahnya kelekanit lemi teangkat damping ngerimbai belakang tekak lalu nutup rumbang idung. 

• Angin ti dikesuh ari lempuang ari rumbang nyawa ti nadai dikachau lalu ngetarka peti sura nyawa.

• Gamal mulut dipeda hampar. • Chunto leka jaku munyi vokal mua sempit iya nya:

• Isu

• Kopi

• Siku.

Vokal mua setengah sempit.[e] • Mua dilah diangkat tang bedau negu kelekanit kering tang baruh mimit munyi vokal [i].

• Kelekanit lemi enggau batang rekung diangkat ke belakang lalu nutup rumbang idung.

• Peti sura nyawa dirapitka awakka angin ti pansut ulih ngetarka iya.

• Pintu rumbang nyawa nyadi tebuka tauka hampar.

• • Chunto sekeda leka jaku munyi vokal mua setengah sempit iya nya:

• Emas

• Melema

• Kolej.

Vokal mua setengah luas [ɛ]. • Mua dilah diangkat ngagai kelakanit kering tang enda tentu negu bendar. Lalu semina baruh mimit ari munyi [e]

• Ujung dilah nyau terengkah ngagai gusi enggau ngeli baruh.

• Kelekanit lemi enggau butuh dilah diangkatka ngagai belakang batang rekung lalu nutup lubang idung. 

• Peti sura nyawa dirapitka awakka ulih begetar maya angin pansut.

• Lalu pintu mua nyawa tebuka. • Sekeda chunto leka jaku munyi mua setengah luas tu iya nya:

• Sendat

• Belu

• Tempik.

Vokal mua luas, [a] • Bagi mua dilah diturunka sebaruh iya ulih.

• Kelekanit lemi teangkat damping ke belakang batang rekung lalu nutup rumbang idung.

• Angin ti dikesuh ari lempuang ari rumbang nyawa ti nadai dikachau lalu ngetarka peti sura nyawa.

• Pintu mua mulut dipeda nyadi hampar.

• Sekeda chunto ulih dipeda ba leka jaku tu ari munyi vokal mua luas:

• Sabut

• Alai

• Butang

Vokal belakang [u], [o], [ɔ], [a]  Munyi vokal belakang [u], [o], [ɔ], [a], diasilka ngena dilah enggau kelekanit lemi.

 Nya alai rumbang nyawa enggau naka pemesai dipilakka nya mah nentuka pemesai munyi vokal nya lebuh leka jaku disebut. Reti iya, palan endur bemunyi nya didinga iya nya ba kelekanit kering. 

Vokal belakang sempit [u]  Vokal tu ulih didinga maya kita ngangkat belakang dilah ngagai endur pemadu tinggi ba urung mua rumbang nyawa tang apin negu kelekanit kering.

 Kelekanit lemi enggau butuh dilah diangkat ke belakang rumbang rekung lalu nutup lubang idung.

 Peti sura nyawa lalu dirapitka maya awakka angin ti pansut ari lempuang ngetarka iya.

 Pintu mua nyawa dipeda segala.  Sekeda chunto leka jaku ti ulih dipeda ari munyi vokal belakang sempit tu iya nya :

 Ubi 

 Buka

 Pasu

Vokal belakang setengah sempit [o]  Belakang dilah diangkat tang apinnegu kelekanit kering, taja pia iya agi baruh ai ari munyi vokal [u].

 Kelekanit lemi enggau batang rekung diangkat ke belakang rumbang rekung lalu nutup lubang idung.

 Peti sura nyawa dirapitka awakka angin tau ngasuh peti sura nyawa begetar.

 Silak rumbang nyawa ditukang ngambika segala tauka bundar.  Sekeda chunto ti uluh dipeda ari munyi belakang setengah sempit tu iya nya:

 Optik

 Topik

 koko

Vokal belakang setengah luas [ɔ]  belakang dilah diangkat tang apin negu kelekanit kering, taja pia agi baruh agi ari munyi vokal [o].

 kelekanit lemi enggau batang rekung diangkat ke belakang rumbang rekung  lalu nutup lubang idung.

 Peti sura nyawa dirapitka awakka angin ti pansut ulih ngetarka peti sura nyawa.

 Silak rumbang nyawa diasuh segala tauka bundar.  Sekeda chunto ti ulih dipeda ba munyi vokal belakang setengah sempit tu iya nya:

 Orang

 Solo

 Bol

Vokal belakang luas [a]  Vokal belakang luas [a] ulih didinga lebuh belakang dilah diangkat ngagai endur ti paling baruh lalu kelekanit enggau batang rekung diangkat ke belakang rumbang rekung lalu nutup lubang idung.

 Peti sura nyawa dirapitka awakka angin ti pansut tau ngetarka peti sura nyawa .

 Silak pintu mua rumbang nyawa dipeda segala tauka bundar.  Sekeda chunto ti ulih dipeda ari munyi vokal belakang luas tu iya nya:

 Gula

 Guna

 Baja

Vokal tengah pandak [ə]  Kitai tau beratika urung tengah dilah diangkat ngambika betemu entara kelekanit kering enggau kelekanit lemi.

 Lebuh maya tu munyi vokal tengah pandak [ə] ulih didinga kitai.

 Kebuah pia laban kelekanit lemi enggau batang rekung diangkat ke belakang rumbang rekung lalu nutup lubang idung.

 Peti sura nyawa dirapitka awakka angin ti pansut tau ngetarka iya.

 Silak pintu rumbang nyawa dipeda segala.  Sekeda chunto ulih dipeda kitai ba munyi tengah pandak iya nya:

 Enam 

 Benas

 Beras.

Vokal tengah panjai [ӡ]  Vokal tengah panjai tu ulih didinga kita maya urung tengah dilah diangkat tinggi agi ari vokal tengah pandak.

 Kelekanit lemi enggau batang rekung diangkat ke belakang rumbang rekung lalu nutup lubang idung.

 Peti sura nyawa dirapitka awakka angin ti pansut tau ngetarka iya.

 Silak rumbang nyawa dipeda segala.  Sekeda chunto ti ulih dipeda maya munyi vokal tengah panjai iya nya baka:

 Chire

 Lelese

 Sere

B. Chara ngasilka munyi konsonan.

Kosonan.

Konsonan iya nya munyi diasilka lebuh pejalai angin tesekat, betelisih, bekindas tauka diempang siti organ artikulasyen baka mulut, gusi, kelekanit lemi enggau rengaka artikulasyen kebukai. Angin ti dikesuh ari rumbang nyawa enggau rumbanh idung, nyadi nya kebuah kitai ngembuan mayuh bengkah munyi konsonan asal tang kitai mega bisi beberapa iti konsonan ti diinjau dalam jaki Iban. Mayuh orang udah nguji magi tauka mida munyi konsonan ngagai beberapa bengkah ngambika mudah dikelala.  Dibaruh tu siti kar ti madahka chara ngasilka munyi konsonan

.

Charta konsonan.

Palan nyebut Mulut

gusi Kelekanit kering Kelekanit lemi Glotis.

Chara nyebut 

Letupan p,b t,d k,g k ,[?]

Letusan c,[č]j, [ǰ] 

Sengauan m n /ny/ ɳ] /ng/ [ɳ] 

Geseran S h

Getaran r 

Sisian I 

Separuh vokal w y 

1. Konsonan meletup.

Letup dua mulut bemunyi. [b]  Lebuh dua mulut atas enggau baruh betemu lalu kelekanit lemi diangkatka rapit ngagai belakang rekung, dia angin ari lempuang ti tama ari rumbang nyawa lalu dilakka tesekat ba urung belakang dua mulut.

 Angin ti disekat lalu dilepaska tekalanya lalu nya ti ngasuh peti sura nyawa tu begetar  Chunto  iya ulih dipeda bat u:

 Bakul

 Belah

Letup dua mulut enda bemunyi (p)    Lebuh dua mulut atas enggau baruh betemu, lalu kelekanit lemi diangkatka rapit ngagai belakang batang rekung,dia angin ari lempuang kitai ti tama ari rumbang nyawa dilakka tesekat  ba urung belakang batang rekung.

 Angin ti tesekat tu dilepaska tekalanya tang peti sura nyawa enda begetar.  Chunto, lebuh kitai nyebut leka jaku tu:

 Panas

 Sampuk

 Suap

Letup gusi bemunyi [d]  Ujung dilah diangkatka rapit ngagai gusi ngambika nyekat abis arus angin, lalu kelekanit lemi enggau batang rekung diangkatka ke belakang tauka ke dinding rumbang rekung dikena ngalitka lubang idung ngagai lubang idung.

 Peti sura nyawa mega dirapitka awakka angin ti pansut ulih ngetarka iya.

 Sekat ti nyadi ba ujung dilah enggau gusi dilepaska  tekalanya  Ambika chunto, lebuh nyebut leka jaku 

 Tubuh

 Babut

 Bab 

Letup gusi enda memunyi [t]  Ujung dilah diangkatka rapit ngagai gusi lalu nyekat arus angin.

 Kelekanit lemi enggau batang rekung diangkatka ba belakang tauka ngagai lubang idung.

 Lebuh maya tu peti sura nyawa nya lalu ditendurka agi.

 Lebuh arus angin masuk nengah rumbang mulut tang enda ngasuh peti sura nyawa nya begetar nya alai angin ba ujung dilah diplepaska tekalanya lalu ngasilka munyi.  Ambika chunto iya iya nya:

 Tabin

 Bata

 Kerat 

Letup kelakanit lemi bemunyi [g]  Belakang dilah dirapatka ngagai  kelekanit lemi dikena nyekat arus angin.

 Kelekanit lemi enggau batang rekuang diangkatka ke belakang tauka ngagai dinding rumbang rekung dikena nutup alur angin ngagai rumbang idung.

 Lebuh maya tu, peti sura nyawa nya lalu dirapitka.

 Nya alai arus angin bejalai nengah rumbang nyawa lalu tu ngasuh peti sura nyawa nya begetar.

 Sekat arus angin ti nyadi ba belakang dilah lalu dilepaska tekalanya.

 Chunto iya baka tu:

 Gam

 Gusak 

 Dialog

Letup kelekanit lemi enda bemunyi [k]  Lebuh belakang dilah dirapatka ngagai kelekanit lemi, dia dih arus angin nya tesekat penuh.

 Kelekanit lemi enggau batang rekung diangkatka ke belakang tauka dinding tauka rumbang rekung.

 Lalu gaya ti baka tu lalu nutup lubang angin ngagai rumbang idung.

 Peti sura nyawa lalu ditendurka. Arus angin deka pansut neresa rumbang nyawa tang enda ngasuh peti sura nyawa begetar.

 Pia mega, angin ti tesekat ba belakang dilah lalu dilepaska tekalanya.  Chunto leka jaku ti ngayanka letup kelekanit lemi enda bemunyi tu iya nya baka tu:

 Kayu

 Baka

 Kek 

Glotis [ʼ]  Munyi glotis nyadi ketegal kelekanit lemi enggau batang rekung diangkatka ngagai belakang tauka rumbang rekung lalu tu ti nutup lubang angin nagai lubang idung.

 Lebuh maya tu peti sura nyawa dirapitka amat – amat lalu arus angin ari lempuang tesekat ba pelilih peti sura nyawa ti dirapitka.

 Nya alai angin ti tesekat ba peti sura nyawa ti ditutup rapit tang enda ngasuh peti sura nyawa tu begetar.  Ambika chunto baka :

 Baka 

 Ma

 Raga 

Letup kelekanit kering –gusi enda bemunyi [c]  Mua dilah diangkatka rapit ngagai kelekanit kering lalu tu ti nyekat arus angin.

 Kelekanit lemi enggau batang rekung diangkat ke belakang tauka ngagai dinding rumbang ekung lalu nutup lubang idung.

 Peti sura nyawa pen ditendurka. Udahnya baruangin pansut neresa rumbang nyawa tang tu enda ngasuh peti sura nyawa nya bemunyi,

 Angin ti disekat ba mua dilah enggau kelekanit kering ngelepaska angin belubah – lubah.  Ambika chunto baka tu:

 Chabut

 Mac

 Bacha 

Letup kelekanit kering –gusi bemunyi [j]  Mua dilah diangkatka rapit ngagai kelekanit kering lalu tu ti ngasuh arus angin tesekat.

 Kelekanit lemi enggau batang rekung diangkat ke belakang tauka dinding rumbang rekung lalu nutup lubang angi ke neresa ngagai lubang idung.

 Peti sura nyawa dirapitka lalu arus angin masuk neresa rumbang nyawa sereta ngasuh peti sura nyawa begetar.

 Angi disekat ba mua dilah enggau kelekanit kering dilepaska tekalanya.  Ambika chunto baka tu:

 Jala

 Baja

 Garaj 

Kindas gusi enda bemunyi [s]  Mua dilah diangkat ngagai gusi lalu ngasuh arus angin nya sempit agi

 Kelekanit lemi enggau batang rekung diangkat ke belakang tauka ke dinding rumbang rekung lalu nutup angin ngagai lubang idung.

 Peti sura nyawa lalu diinsurka awakka arus angin ulih tama nengah rumbang nyawa lalu ngena chara baka tu peti sura nyawa enda begetar.

 Nya alai angin ti keluar negah tekup (sempitan) dilah enggau gusi.  Ambika chunto baka tu:

 Sabun

 Basu

 Bas 

Getar gusi bemunyi [r]  Ujung dilah diangkatka ngagai gusi. Lebuh maya tu, kelekanit lemi enggau batang rekung diangkat ke belakang tauka ke dinding rumbang rekung lalu nutup arus angin ngagai lubang idung.

 Maya tu peti sura nyawa dirapitka awakka angin tau masuk negah silak mulut lalu nagsuh peti sura nyawa begetar.

 Pia mega angin silak mulut tu mega tau ngasuh ujung dilah begetar  Ambika chunto baka tu:

 Rangka

 Bara

 bayar

Selipir(sisian) gusi bemunyi [l]  ujung dilah diangkatka ke tengah gusi diken nyekat angin. lebuh maya tu kelekanit lemi enggau batang rekung diangkat ke belakang tauka ke dinding rumbang rekung lalu nutup lubang angin ngagai lubang idung.

 Peti sura nyawa dirapitka lalu arus angin deka nengah mulut sereta ngetarka iya. Nya alai arus angin dilakka pansut negah selipir dilah aja.  Chunto iya :

 Lampu

 Balak

 Dal 

Nasal(sengau) dua mulut vemunyi (m)  Mulut atas enggau baruh dirapatka awakka nyekat jakai angin ti pansut . lebuh maya tu kelekanit lemi enggau batang rekung diturunka ngambika tau meri jalai ngagai angin pansut ari lempuang ngagai lubang idung.

 Pia mega, petis ura nyawa dirapatka awakka arus angin masuk neresa lubang hidung lalu ngetarka peti sura nyawa.  Nya alai angi dielepaska enggau belubah – lubah.  Ambika chunto baka tu:

 Masuk

 Kami

 Gam 

Nasak gusi bemunyi (n)  Ngasilka munyi nasal gusi bemunyi , begunaka ujung dilah diangkatka ngagai gusi awakka tau nyekat pejalai angin pansut.

 Nya kebuah kelekanit lemi enggau batang rekung diturunka awakka tau meri jalai ngagai arus angin pansut neresa lempuang ngagai lubang idung.

 Lebuh maya tu mega, peti sura nyawa dirapitka lalu arus angin deka bejalai neresa lubang idung lalu ngetarka peti sura nyaw2a.

 Arus angin dilepaska enggau belubah – lubah.  Ambika chunto baka tu:

 Nama 

 Gelana

 Jembatan

Nasal kelekanit kering gusi bemunyi [ny]  Munyi ny nyadi ketegal mua dilah diangkatka lalu dirapitka ngagai kelekanit kering awakka tau nyekat pejalai angin pansut.

 Kelekanit lemi enggau batang rekung diturunka awakka ulih meri jalai ngagai arus angin neresa lempuang ngagai lubang idung.

 Peti sura nyawa dirapitka lalu tu ngemendarka arus angin tama neresa lubang idung. Nya alai peti sura nyawa dirapitka awakkaarus angin ulih nengah lubang idung lalu ngetarka peti sura nyawa.

 Arus angin ti tama ngasuh peti sura nyawa begetar lalu angin nya ti disekat ketegal mua dilah enggau kelekanit kering nya pan dilepaska enggau belubah.  Ambika chunto baka tu:

 Nyamuk

 Nyaya

 Menyan 

Nasal kelekanit lemi bemunyi [ng]  Belakang dilah diangkat lalu dirapitka ngagai kelekanit lemi. Arus angin ti dikesuh lalu disekat. Sekali agi kelekanit lemi enggau butuh dilah diturunka awakka tau meri jalai ngagai arus angin bejalai ari lempuang ngagai lubang idung.

 Peti sura nyawa dirapitka, lalu arus angin deka bejalai nengah lubang idung lalu peti sura nyawa lalu begetar.

 Pia mega arus angin ti disekat ketegal diempang ba belakang dilah enggau kelekanit lemi, deka dilepaska belubah – lubah.  Chunto iya baka tu:

 Ngalu

 Sangkar

 Barang

Semi vokal dua mulut bemunyi [w]  Mulut digaga segala lalu belakang dilah diangkatka ngagai kelekanit lemi. Kelekanit lemi enggau batang rekung diangkat tauka ngagai dinding rumbang rekung awakka nutup lubangangin ngagai lubang idung.

 Peti sura nyawa digetarka lalu dilah bekinsit jampat ngambika ulih ngasilka vokal tengah [ə]  Ambika chunto baka leka jaku tu:

 Sawang

 Takraw.

Semi voksl kelekanit kering bemunyi [y]  Mulut dibuka besai. Mua dilah diangkat tinggi tungga ke gusi. Kelekanit lemi enggau batang rekung diangkatka ke belakang tauka ngagai dinding rumbang rekung awakka tau nutup lubang idung.

 Peti sura nyawa pan digetarka seraya dilah bekinsit jampat lalu ngasilka munyi vokal tengah[ӡ]  Chunto iya baka tu :

 Yu

 Buyu

 Tuyu

2. Munyi bekindas.

Kindas mulut enggau ngeli enda bemunyi [f]  Mulut baruh dirapitka ngagai ngeli atas awakka ruang urung nya ngerupit. Kelekanit lemi enggau butuh dilah diangkat ke belakang tauka ke dinding rumbang rekung dikena nutup lubang angin ke deka pansut neresa lubang idung.

 Lebuh maya tu mega, peti sura nyawa ditendurka lalu enda digetarka. Nya alai pejalai angin ti pansut ari lempuang neresa rumbang mulut dilakka bekindas ba urung ti sempit.  Ambika chunto baka tu:

 Telefon

 fonologi

Kindas mulut ngeli bemunyi [v]  munyi v pansut lebuh mulut baruh dirapitka  ngagai ngeli atas awakka nyempal sekeda pejalai angin. Nya alai kelekanit lemi enggau batang rekung diangkatka ke belakang tauka ke dinding rumbang rekung dikena nutuo lubang angin ke deka neresa lubang idung.

 Peti sura nyawa dirapitka lalu  digetarka.

 Nya alai pejalai angin ti pansut ari lempuang neresa rumbang mulut dilakka bekindas ba urung ti sempit.  Chunto iya baka tu:

 Van

 Larva

Kindas ngeli enda bemunyi [ө]  Dilah diengakah ba entara ngeli atas enggau baruh  awakka nagang pejali angin ngasuh iya sempit agi.

 Nya ali kelekanit lemi enggau butuh dilah diangkat ke belakang tauka ke dinding rumbang rekung awakka nutup pejalai angin ngagai lubang idung. Lebuh maya tu, peti sura nyawa ditendurka lalu enda begetar. 

 Nyadi pejalai angin ti pansut ari lempuang neresa rumbang nyawa dilakka bekindas ba urung ti sempit.

 Ambika chunto baka tu:

 Thalatha

 Hadith 

Kindas kelekanit kering enda bemunyi []  Mua dilah diangkat entara gusi enggaukelekanit kering ngambika nyempal lubang angin ngasuh iya mit agi. Kelekanit lemi enggau batang rekung diangkatka ke belakang tauka ke dinding rumbang rekungawakka nutup lubang angin ngagai lubang idung.

 Peti sura nyawa ditendurka lalu enda digetarka.

 Nya alai pejalai angin ti pansut ari lempuang neresa rumbang nyawa lalu dilakka begisir ba urung ti sempit ba mua dilah, gusi enggau kelekanit kering.  Ambika chunto iya baka tu:

 Syabu 

Kindas kelekanit lemi enda bemunyi. []  Belakang dilah diangkat lalu dirapitka ngagai rumbang rekung dikena nyempitka ruang endur angin pansut. Kelekanit lemi enggau batang rekung diangkatka ke belakang tauka ke dinding rumbang rekungawakka nutup lubang angin ngagai lubang idung.

 Peti sura nyawa dirapitka lalu digatarka. Nya alai pejalai angin ti pansut ari lempuang neresa rumbang nyawa lalu dilakka bepulas tauka bekindas ba urung ti sempit di belakang dilah enggau kelekanit lemi  Ambika chunto baka tu :

 Longhat

Kindas gusi bemunyi [z]  Ujung dilah diangkat lalu negu sekeda bagi gusi. Kelekanit lemi enggau batang rekung diangkat ke belakang tauka ke dinding rumbang rekung awkka nutup ruang angin ngagai lubang idung.

 Peti sura nyawa dirapitka lalu digetarka. Nya alai pejalai angin ti pansut ari lempuang neresa rumbang nyawa lalu bekindas a urung ti sempit entara papak dilah enggau gusi.  Ambika chunto ulih diperatika ba ditu:

 Zon

 Aziz

C. Chara ngasilka munyi diftong.

Munyi diftong nya datai ari munyi vokal. Kebuah dikumbai diftong ketegal munyi dua iti vokal bisi berimbai enggau pangan diri. Nya alai, reti diftong munyi ti nyadi asil ari munyi dua iti vokal ti berimbai. Jaku Iban semina bisi ngembuan tiga iti leka diftong iya nya ai, au enggau ui ti diengkah ba ujung leka jaku. Lebuh disebut diftong semina dibunyika  sekali aja.  Selalu iya munyi vokal ti keterubah disebut nyaris, panjai sereta nyentuk agi ari munyi vokal ti kedua.

 

Grafik 4. Penuduk diftong. 

     Diftong au • Lebuh nyebut diftong au mulut kitai berubah ari gaya tebuka ngagai gaya segala. Lalu pia mega, ujung dilah kitai diangkat semak ngeli baruh. Mua dilah pan baruh agi, sebaka ba endur lebuh nyebut vokal mua [a]. Tang dilah deka jampat disintak tauka dikeluarka adap ke chara ngasilka munyi vokal belakang tinggi [u] sereta belakang dilah niku adap ke kelekanit kering. Batang rekung enggau kelekanit lemi diangkatka awakka nutup lubang idung ngambika angin nadai tama nengah nya. Nyadi angin ari lempuang pan pansut nengah silak rumbang nyawa lalu maya tu peti sura nyawa begetar. Chunto, langkau, perau, laun enggau taun.

  

    Diftong  ui (oi) • Mulut berubah ari gaya ke semina nuking mimit aja ngagai gaya segala.belakang dilah diangkat tinggi mimit, sebaka ba endur lebuh ke nyebut vokal belakang setengah tinggi [o]. Tang dilah deka jampat dikeluarka adap ke chara ngasilka munyi vokal mua tinggi [i] sereta mua dilah diangkat adap ke kelekanit kering, baruh mimit ari ke nyebut munyi vokal [i]. Batang rekung enggau kelekanit lemi diangkatka awakka nutup lubang idung ngambika angin nadai tama nengah nya. Angin ari lempuang pansut nengah silak rumbang nyawa lalu ngetarka pita sura nyawa. Chunto ukui.

    

       Diftong ai • Lebuh nyebut diftong ai mulut kitai gaya ke tebuka. Lalu ujung dilah kitai mega diangkat dataika negu ngeli baruh. Mua dilah pan baruh, sebaka ba endur lebuh ke nyebut vokal mua baruh [a]. Tang dilah jampat dikeluarka adap ke chara kitai ngasilka munyi vokal mua tinggi [i]. Angin ari lempuang pan pansut nengah silak rumbang nyawa lalu maya tu mih peti sura nyawa begetar. Chunto, temuai, tangkai enggau entekai.                         

4. Refleksyen.

Ari kereja kus ke digaga aku tu, aku ulih nemu penemu baru ari topic ti dipansik  tu. Ari pengawa aku tu mega aku deka madahka senentang pekara ke dipansik aku ya tadi iya nya senentang enggau aspek bida fonologi enggau fonetik,mansik lalu meri jurai senentang kereban artikulasyen, mansik lalu bejuraika palan artikulasyen enggau ngaga jurai baka ni chara ngasilka munyi vokal, konsonan enggau diftong.

      Maya begagaka kereja kus tu, aku berasai tusah ati lebuh begigaka kereban dikena ngaga kereja kus tu laban kami semina bisi meli situ bup fonologi ti digaga Dr Chamaline enggau Padang anak Luna. Lalu kami mayuh beguna bup jaku melayu lalu nukarka Kediri empu jaku melayu ngagai jaku iban. Ukai nya aja, penanggul awak mega nyadika penanggul. Kebuah pia laban kami ngaga tu maya pemisi lalu aku tusah ka ngaga kolaborasyen enggau kaban lalu maya nukar jaku melayu ngagai jaku Iban nya mah ngasuh awak dikena nyampal amat. Laban utai ke digaga kami tu nyau nadai ulih begigaka ba bup aja, kami semina begunaka jaku melayu lalu nukar  Kediri empu jaku melayu ngagai jaku iban. Pia mega, aku bisi nguna note pandak ke diberi pengelicha aja.

      Pia mega maya ngaga kereja kus tu aku bisi bekoloberasyen enggau pengelicha senentang kereja kus tu. Aku mega bisi bekoloberasyen enggau bala kaban ke bukai maya ngaga kereja kus tu. Mayuh aku bulih informasyen ari pengelicha sereta enggau bala kaban aku ba dalam kelas. Pia mega aku bulih mayuh sanding  penemu dikena aku ngiga lebih agi penemu dalam begigaka pansik ari librari. Aku mega senang ati laban aku bisi mega begunaka bup sereba reti ti udah dibeli. 

Maya aku ngepunka kereja kus tu suba, aku rindu amai mansik kereja kus tu lalu ngaga jurai senetang kereban enggau palan artikulasyen lalu ngiga baka ngasilka munyi konsonan, vokal enggau diftong dalam jaku iban. Ba ditu aku deka nemu  lalu aku ulih ngingatka semua tu maya aku napi peresa ila. Kepenudi iya, aku beterima kasih ngagai peneglicha laban meri aku ajar sereta chara begagaka kereja kus tu lalau aku udah ulih nembuka kereja kus aku tu enggau meruan sereta manah.

5. Kereban sanding.

Bup. 

Abdullah Hassan. (2007). Linguistik Am. Pts Professional. Kuala Lumpur.

Choo say Tee, Goay Teek Chong & Zainuddin Ahmad. (2012). Bahasa Melayu. 

Pearson Malaysia Sdn. Bhd. Selangor.

Dr. Chamaline anak Osup & Padang anak Luna. (2011). Fonologi Jaku Iban. Emeritus 

Publications. Perak 

Farid M. Onn. (1988). Bunga Rampai Fonologi Bahasa Melayu.

Fajar Bakti Sdn. Bhd. Petaling Jaya.

Indrawati Zahid & Mardian Shah Omar. (2006). Fonetik dan Fonologi. Pts Professional. 

Kuala Lumpur.

Kamarudin  Hj. Husin, Siti Hajar Hj. Abdul ziz & Arb’ie Sujud.(1997). 

Pengajian Melayu 1.  Kumpulan Budiman Sdn. Bhd. Kuala Lumpur. 

Raminah Hj. Sabran & Rahim Syam. (1984). Kajian Bahasa. Fajar Bakti Sdn. Bhd. 

Kuala Lumpur.

Siti Hajar Abdul Aziz. (2009). Bahasa Melayu II. Oxford Fajar Sdn. Bhd. Kuala Lumpur. 

Zulkifly Hamid, RamliMd. Salleh & Rahmin Aman. (2005). Linguistik Melayu. Universiti 

Kebangsaan Malaysia. Kuala Lumpur.