Jurai senentang sinonim, antonim, polisem, hiponim, gentilang reti enggau konotatif dalam jaku Iban

                                                                                                                                   Reti semantik.

Semantik nya siti bidang ti mansik lalu nguse reti jaku enggau ayat. Leka jaku nya siti ari utai disebut lalu nyadi siti randau ke mers lalu bisi ngembuan reti iya. Dalam jaku kitai ulih mantaika gaya runding, buah runding, emosyen, ulah enggau perangai siku – siku mensia.

Definisyen ari sukut istilah mega, semantik mega dati ari jaku Yunani “semantikos” ti mai reti berguna lalu ngembuan reti. Enti dipeda ari definisyen ke diberi  sida ke and aba penemu semantik tu iya nya madahka semantik tu siti cabang linguistik ke ngemeranka reti (J.W.M. Vehar, 1996). Nitihka kamus dewan, semantic mai reti mansik senentang reti leka jaku enggau penambah reti ba siti – siti leka jaku. Sechara rama, semantik tu iya siti ari bidang penemu senentang reti enggau reti ke berubah ba siti – siti leka jaku. sechara saintifik mega madahka semantik tu mansik senentang lambang – lambang tauka kelai ti madahka reti, kaul entara reti enggau reti ke bukai.

1.2.         Konsep Semantik

Nitihka Ferdinand de Saussure, semantik nya siti jaku ke disebut dikena ngenataika reti. Choamsky madahka semantik nya reti ayat ke ditentuka struktur konteks  maya ayat dikena. Pia mega, semantik ukai semina meda ba reti aja tang ba pengerembai iya ke disebut “semantic sejarah” (M.Beral. 1893)

Ke simpul iya, semantik tu siti bagi ari bidang linguistik ke mansik jaku ngena jalai ke likun. Semantik mega ulih  nyadi siti bidang ke mansik reti leka jaku enggau ayat ba jaku. Pansik  ke ngembuan kaul enggau reti leka jaku ulih dipeda ba sukut reti, denotasyen enggau konotasyen, reti ba konteks, kaul reti enggau daya idup, tranformasyen reti enggau tukuh – tukuh reti ari kaul semantik.

1.3.        Sinonim

Leka jaku sinonim datai ari leka jaku  Yunani kuno, iya nya onoma ti mai reti ‘nama’ enggau syn mai reti ‘enggau’. Reti sinonim iya nya siti leka jaku, frasa, ayat mai reti ke sama tauka kurang lebih sama. Ambika chunto iya, leka jaku  Jabang enggau Empasa. Indai mayuh amat nanam pun jabang sereta epasa ba kebun iya lalu enti ngena leka jaku empasa mega pen sama iya nya Ini Melina ngiting daun empasa ba tengah laman. Reti leka jaku ba atas nya endang sama tajapan sepil iya jauh bebida. Nitihka menua siti – siti mega bisi mega orang ngena leka jaku empasa, jabang tauka ubi. Semua nya nitihka pelilih ai lalu iya mega mungkur reti ke sama magang. Nya kebuah iya dikumbai sinonim.

Pia mega baka reti buruk enggau ngelusu. Ba jaku Iban buruk tu siti leka jaku ke madahka siku orang nya enggai ngaga  siti – siti pengawa. Ambika chunto iya, Igat buruk amat ngaga pengawa sekula ke dibei pengajar iya ba sekula. Lalu ngena jaku ngelusu , ambika chunto iya Merikan ngelusu amat kereja nyentuka iya diburu apai iya ari rumah. Ba ditu buruk enggau ngelusu tu agi ulih dikena meri reti ke sama laban iya agi bekaul enggau perangai siku – siku orang nya madahka enggai ngaga pengawa. Taja pia, ba jaku ngelusu tu mega, bisi siti agi reti ke sama ngena leka jaku tu iya nya madahka telih tauka abi lita ba tubuh siku – siku orang maya iya bisi terap tauka tetingkap. Ambika chunto iya, pala patung Jagai nyau ngelusu dibai iya terap ba bilik mandi ke lichau. Berasai nyemetak bendar gak reti sinonim ba ditu enti dipeda.

1.4.        Antonim.

Leka jaku antonim mega datai ari leka jaku Yunani kono iya nya onama ke mai reti ‘nama’ enggau anti ‘ belaban’. Nya alai antonim tu leka jaku ke mai reti ke belaban reti enggau siti leka jaku ke bukai. Ambika chunto baka leka jaku dua iti tu duduk enggau bediri. Ba jaku Iban mega duduk tu siti leka jaku madahka orang nya benung duduk ba siti alai baka bangku tauka utai ke ulih endur duduk. Ambika chunto iya, Apai duduk ngerimbai aku maya tua iya nepan bas. Lalu leka jaku ke belaban reti enggau leka jaku tu iya nya baka chunto tu Indai nyau berasai lelak laban ke lama udah bediri ari tadi. sebaka enggau sinonim tadi mega enti tadi sama reti diatu belaban reti. Chunto kedua mega baka leka jaku dua iti tu iya nya, jauh enggau damping/dampih/semak. Chunto ke engkeman ba jauh iya nya  rumah sida petunggal aku jauh bendar laban sida diatu udah bisi rumah ba London. Lalu leka jaku ke belaban reti enggau leka jaku jauh nya baka tu Sekula sida Dom damping/semak/dampih amat ari rumah panjai sida.

Ba leka jaku ke belaban reti ba atas nya tadi kitai tau nemu nama kebuah iya tau belaban reti kebuah pia, jauh tu madahka reti enda damping lalu enti kitai meda ari sukut jam iya mega beguna ke jam dikena ngenataika diri maya deka ngagai siti – siti endur nya, lalu damping tu siti leka jaku madahka endur nya semak lalu enda jauh lalu enti beguna jam ka ngagai endur nya enda entu begunaka awak mayuh dikena kia. Ba penerang nya tadi kitai tau nemu nama kebuah seduai belaban reti.

1.5.        Makna Konotatif

Reti konotatif bebida enggau reti emotif laban reti konotatif tu betukuh negatif.  (Fathimah Djajasudarma, 1999) madahka, reti konotatif datai dikena meda empas asosiasyen pengasai ati kitai ngagai utai ke dipejaku tauka maya utai ke didinga.

Reti konotatif mega mai reti ke bisi kaul enggau pemesai guna pengasai ati , baika nya positif tauka negatif. Ambika chunto,           pengasai ba leka jaku ‘makai’ enggau ‘majuh’. Keterubah, makai tu iya pengawa kitai ke bekena ke pinggai  ti bisi nimbun asi tauka utai diempa. Leka jaku makai tu endang dikena ba bansa Iban  iya madahka makai tu siti pengalus jaku tu dikena rama, lalu semua orang nemu nama reti makai nya.

Majuh tu mega siti leka jaku ke sinonimi enggai makai. Majuh tu siti leka jaku madahka makai mega ba bansa Iban, tang tu sigi leka jaku ke enda manah ba madahka kitai mensia makai lalu leka jaku majuh selalu dikena maya meri uduk, babi tauka mayau makai. Nya alai nitihka konsep konotatif ba ditu, makai tu enti nitihka pengasai ati orang ke ninga lebih manah sereta bisi ngembuan budi enggau basa laban iya endang siti leka jaku ke manah dikena ngangauka orang ke deka makai. Tang majuh tu kelalu enda manah tang mega agi dikena ba bansa kitai Iban laban endang siti leka jaku kitai Iban. Nya alai enti kitai ngangauka mensia tauka temuai ngena leka jaku majuh tu maya madahka orang ke deka makai enda entu manah laban iya kelalu renjan. Nya alai kitai ulih ngena leka jaku majuh tu ba bala jelu baka mayau, uduk enggau babi.

1.6.        Hiponim.

Ba bup Nik Safiah Karim enggau Wan Malini Ahmad(2006) madahka hiponim tu siti ari leka jaku Yunani kuno/lama iya nya onama ti mai reti ‘nama’ enggau hypo ‘mungkur’. Hiponim ba leka jaku mai reti leka jaku ke siti aja lalu ulih mungkur reti utai bukai ke sama enggau iya. Ambika chunto baka leka jaku bumai.  Baka tu chunto iya enti dipeda ba pengidup bansa Iban. Bansa Iban ba Sarawak mayuh bendar agi ngemeratka pengawa bumai. Bumai ba bansa Iban kitai bisi bumai bukit enggau bumai paya. Bumai bukit tu umai ke diperimba ba endur ke nadai ai lalu selalu iya tebiang, tang umai paya tu umai ti diperimba ba endur ke basah lalu iya dikumbai paya. Nya alai bumai tu tadi ulih mai kaul ngagai bumai bukit enggau bumai paya. Enti nitihka pelilih ai ba menua Sarawak tu orang ke mayuh bumai bukit lebih agi ba menua pelilih batang Rajang baka kapit, kanowit enggau ulu Batang Rajang. Lalu enti ba bumai paya mega mayuh dipeda kili agi baka ba Sarikei, Sibu enggau mayuh agi.

Kelimpah ari nya, baka leka jaku makai. Bakani leka jaku makai tu ba jaku Iban ulih naydika hiponim. Peda ba chunto baruh tu nitihka konsep bansa Iban. Maya makai kitai suah bendar makai nitihka jam tauka maya makai ke ditaga. Makai tu bisi iya makai pagi, merarau, makai lemai enggau makai salau. Makai pagi nya endang suah digaga kitai dikena kitai meri pengering ngagai tubuh sebedau merarau, udahnya merarau dikena kitai meri pengering ngagai tubuh sebedau makai lemai. Tang makai salau tu enda suah digaga laban iya semina digaga maya pengerami aja, maya nya orang ngangauka kitai serumah panjai dibai makai salau

Lalu ba konsep jaku Iban mega ba leka jaku ikan ulih nyadika chunto dikena neguhka agi reti hiponim tu iya nya bak chunto di baruh tu, Ikan ulih apai Simah nyala mayuh amat nyau enda chukup uyut dikena ngema. Bisi nya ikan semah, adung, enseluai, panjut sereta mayuh agi. Dalam konteks ikan tu mayuh mai reti laban ikan tu mungkur mayuh reti. Chunto iya ikan ai sungai tabau sereta ai tasik ti masin. Ikan ai sungai tabau baka nya tadi bala sida enseluai, semah, panjut sereta mayuh agi lalu ikan ai tasik masin baka ikan sadin, tenggiri, tongkol enggau mayuh agi. Lalu ikan mega bisi mega salai ikan, sadin ikan, kasam ikan, ikan guring, ikan tunu, ikan pansuh. Bisi ga ikan betisik, enda betisik lalu mayuh agi konsep ti mungkur reti ikan.

1.7.        Polisem

Nitihka Nik Safiah Karim enggau Wan Malini Ahmad(2006) madahka polisem tu siti tukuh ke bisi ngembuan lebih tauka siti reti ba siti – siti leka jaku. ambika chunto empa. Ba jaku Iban kitai ba Bup Sereba Reti(2011) leka jaku empa tu bisi ngundan empat reti. Reti empa keterubah iya nya masukka pemakai baka lauk tauka asi ke dalam nyawa, ngunyah iya reredak udah nya baru nelan iya awakka kitai tau kenyang. Ambika chunto iya baka tu empa ambis asi enggau lauk nya ulih nuan laban nya endang diungkup aku ke nuan.

Udah nya. Leka jaku empa kedua mega mai reti kena laban utai tauka pemedis baka penyakit tauka utai bukai. Ambika chunto iya baka tu, sepengudah kena empa jayau, igat bendar amat beraie siang enggau malam, makai pen semina negu asi. Pia mega, baka leka jaku tu Tegung dianjung Indai iya ke sepital besai laban kena empa kayap. Chunto ke bukai baka chunto tu, umai sida Marry sebilik angus amat empa api.

Lalu reti empa ketiga iya nya madahka empa tu mai reti sebaka enggau ketegal; bai ; laban. Ambika chunto iya baka tu, empa penyumbung anak tuai rumah nya, semua orang laki ke enda kereja enda diperening iya maya orang laki ke nanya indu ngagai rumah sida.  Pia mega, baka chunto tu, empa pemeli Menon, sanggup iya enggau orang terjun ba gerugu batu ke tinggi nya.

Lalu reti empa ke penundi bendar iya nya mai reti pemadu; pengambis; naka. Ambika chunto iya, Indai Meni nyabak empa penusah ati ketegal laki iya ke midang maya bekeraja nyadi sedadu. Pia mega chunto iya kedua baka tu, empa penusah ati Ini aku nyau deka luput ninga rita Aki aku ke labuh ari puchuk mutan

1.8.        Gentilang reti.

Definisi Konsep gentilang reti.

Nitihka penemu Ramli Salleh et al., (1997) gentilang reti  nya siti raban ke mit aja ba sukut leksikal ti madahka reti iya agi bekaul laban penatai diri ba konteks ke sama. Nitihka Kamus Dewan mega, gentilang (medan) tu mai reti kandang ke mit, lalu reti (makna) nya reti.

 Teori semantik;

Maya deka meri jurai senentang gentilang reti tu endang siti pengawa ke bepelasarka penemu bala sida ke anda ba penemu gentilang reti tu. Ambika chnuto nitihka penemu Lehrer (1974) ba bup Kamarudin Hj. Husin enggau Siti Hajar Hj. Abdul Aziz (1997) madahka pansik senentang gentilang reti tu digaga sida Berlin enggau Kay ba tahun 1970 iya nya senentang reti chura enggau penysempadan reti chura nya. Ba pengawa tu mega, mayuh orang enda setuju lalu mayuh gak buah penemu enggau tuju kuing runding sida iya bebida senentang enggau pansik nya baka reti chura mirah enggau oren. Dia mega kitai deka ngiga dini pemisah tauka penyerara sempadan entara dua iti reti tu awakka nyadi buah pengawa orang tauka entara siku – siku orang ti meri tisih ngagai reti nya.

Nya alai ngujungka gentilang reti tu nyadi utai ke pengamat beguna laban gentilang reti tu nyadi siti utai ke meri kaul ngagai beberapa leka jaku dalam raban ke kediri dikena meri reti ngagai leka jaku ke  deka kitai. Nya alai gentilang reti tu enda ngasuh kitai semina meda sechara beserara ba tiap unit leka jaku nya ba dalam  iya dikena ngadaka reti ngagai siti leka jaku ke dipilih.

Nitihka Lyons(1993) ba bup Kamarudin Hj. Husin enggau Siti Hajar Hj. Abdul Aziz (1997) madahka ba tahun ke belakang agi mayuh orang deka mansik ngagai sistem leksikal ba pengaya leka jaku ti bebida enggau kereban sanding ke spesifik ngagai gentilang baka leka jaku chura, flora enggau fauna enggau mayuh agi. Ba ditu, Lyons ngmbi chunto ba gentilang reti chura; mirah, gadung, jingga. Kuning enggau biru, tajapan penuduk relatif ba sistem leksikal iya entap, baka chura jingga tadi duduk ba entara mirah enggau kuning, kuning entara jingga enggau gadung lalu udah nya enggau ke bukai. Gentilang reti ke dilanggup lima iti istilah chura nya semina ulih diterima ba kereban persepsyen tauka fizikal.

Pia mega, Abdullah Hassan(1980), ba bup Kamarudin Hj. Husin enggau Siti Hajar Hj. Abdul Aziz (1997) madahka ngiga buah penemu dikena meri reti ngagai siti – siti leka jaku nya. Pia mega iya meri reti ngagai leka jaku ‘universiti’ baka ba grafik dibaruh tu;

  

Pengelicha, professor                              Kuliah, bup                                                                              Institusi tinggi UNIVERISTI                         Kajian                                                    Makmal, pustaka                      Kampus  desasiswa

                  Grafik 2: Gentilang reti ba leka jaku ‘universiti’

Semua leka jaku ba dalam grafik nya nunjukka raban gentilang reti ba leka jaku ‘univeristi’ iya nya tiap iti leka jaku nya bis kompenen tauka bagi kediri ba reti leka jaku univeriti tadi.

kereban sanding.

Bup sereba reti.(2011). Tun Jugah Foundation. Kuching.

Kamarudin Hj. Hussin @ Siti Hajar Hj. Aziz(1997). Pengajian Melayu 2. Kumpulan Budiaman

Sdn Bhd. Kuala Lumpur.

Kamus Dewan Edisi Keempat.(2007). Dewan Bahasa dan Pustaka.

Nik Azis Pa @ Norani Idris (2008). Perjuangan memperkasakan pendidkan di Malaysia

(pengalam 50 hari merdeka). Utusan publications @distributors Sdn Bhd. Kuala Lumpur.

Nik Safiah Karim @ Wan Malini Ahmad.(2006). Bahasa Melayu STPM. Penerbit Fajar Bakti

Sdn. Bhd. Selangor.

http://kumpulansiswazahguru.blogspot.com/2012/04/semantik-dan-peristilahan-bahasa-melayu.html.  Digiga maya 25 Julai.

Tantrapuan. Relasi makna. http://tantrapuan.wordpress.com/2009/05/13/relasi-makna/ . diakses

pada 11. Julai .

Sinonimi dalam relasi maknahttp://jhoesangpemimpi.blogspot.com/2013/04/sinonimi-dalam-relasi-makna.html . Diakses kena 11. Julai

Nguse Leka Main (Pantun Iban)

1

Topik: Pantun Enda Ampit Indu Dara.

Aih.. .. … .. .. .. .. ..  melan asi melan

Nadai enda ngemanah nya orang indu

Kerangan kini amang lubuk ridan

Sayau iya dikumbai orang endur baung betembung

Intu tempaung laya sakam

Belayaka leka padi rara

Buah besa rira lebat bereminan

Sigi nya menyadi di ambi aku ke dik

Satu enggi aku Sembilan enggi nuan

Nama sida iya dikumbai orang

Belayaka tandan nya tadi indu bantang

Ama .. ..   ensurai nunggang

Aih .. . . .. … .. ..   .. anang sekakai rawan dik menyadi wai

Ditantaika aku bejenggai nyamai bedindan tu ai beram

Kati dik enda nemu wai tubuh bela tu luli lenta

Bangat udu pemerinsa

Aku betatika rimba enggi kami orang lelaki

Dulu dia simpang bila meh mengkanan

Aku betatika umai enggi kami orang laki menyadi wai

Bangat bedau leladai madang kelampai

Kayu ke ladan  nama kemarau

Enda ninga dik orang indu

Bangat nadai nya enggau nyuruh bekembung nya bulan

Lapan hari jai nya menyadi lelangang kudi berunggul ujan

Ai besai menyadi wai enda lega

Besai ngampuhka ke emperan

Dini enda baka nya

Kati dik nemu uduk ka jadi enggau mayau

Tinduk segulai tilam

Besilika puak ke siti aja sili sima

Nya nabau ngeraran

Kati dik enda ninga rita jelu babi dik dayang keranchi.

Bangat tak nyelai ati datai ari kampung sunyi

Ka nyadi kerani duduk di kerusi nya minja intan

Manah wan jelu menarat enda ninga dik menyadik

Ngumbai diri berita lanchat ngelaban jugam

                                                   

Pama nya orang indu ngumbai diri tau berita

Ngintu tekura pedis pala sakit lengan

Buang indu bantang ngumbai diri nemu nimang lalu beramban

Kera empu nya orang indu bula udu ngumbai

 diri nemu nyagu iya lalu nanam

Kati dik nemu nya landak ka mumpung tuak sari semalam

Kechai nya orang indu ngumbai diri melandai

Minta salai tiga kerungan

Laban sida ka gawa nanga nya gawai mudan

Ngintu paung subung ditanam

Ngintu batang indu bantang tempasa …..  ipang

Aihhhh..  . … .. . . . . lembau bendar enda ninga

Ulah petunggal laban aku ke udah nyambut

Udar kereja solider sedadu tuan

Laban enda tau ngena nya orang indu barang ngapa

Macham sebelian

Enda tau nepis duit macham periman

Enti maya pagi ari nyerumba

Jam lapan aku takut kena ukum

Tuan trojen ningkan beselup arm

Bebaul tan kaki kanan ka berumban jari beseliman

Nya indu bantang ngedarka rumbang iping…… ngerang

Aihhh…….    Ni ke udah regista nya indu dara sain nama

Kati ke enda enggau orang meting ke Kuching

Ke ai ngelan ngetu di Terengganu angkat ke George sultan

Andas kabilas ngetu di Labuan

Ninga bisi dik nunggu kunsil orang indu ba Lahad Dato

Tentang enggau piku George sultan

Lebuh nya ka ngimbuh di jalai lurus

Ngayuh ke bom gerinit tikam de lelingan

Indu bantang san rumbang gawai .. .. . puang

Aih………anang sekakai rawan enggai dik menyadi wai

Ditantai kelempang pangai aku bejenggai nyamai

Begindan aku tu ai beram

Kapa meh tubuh bela aku tu wai

Enda kekalat ngapa tubuh rempan aku sidan

Tusah . . di dalam wai…..

Sayau meh kami orang laki tu menyadi

Bangat enda ampit enggau kita megai laman

Kasih limbang kita endun kumang

Padang …. Nengeri Limbang

Nguse leka main ti dipilih ari sukut estetik.

Leka main tu deka dikuse ari sukut estetik, sechara rama iya estetik nya betukuh relatif tang ia enda kala ngelui dikena nisih tauka dikena meretika elemen – elemen ke bisi. Pemanah siti ba pengawa ke ditengkebang nyadi sechara berurun enggau elemen – elemen ke bukai. Kelimpah ari runding orang ke ngaga,  pemanah leka jaku, tukuh struktur enggau tema ia ke patut diseleti enggau likun awakka ngasilka empas estetik.

Dalam jaku Iban kitai bisi ngembuan leka main ke diri empu. Leka main nya ulih dibagi ngagai tiga. Keterubah iya nya leka main dikena beperindang, udah nya leka main dikena tabi basa lalu ketiga leka mai bansa konvensyen. Leka main dikena beperindang nya baka pantun, ai ansah enggau mayuh agi, dikena tabi basa iya nya baka biau lalu leka main bansa konvensyen iya nya baka  sampi, pelian, perua enggau ti bukai.

Ba leka main ke dipilih tu aku deka nguse siti leka main ari leka main dikena beperindang iya nya pantun. Topik pantun tu iya nya pantun enda ampit indu dara. Ba dalam leka main tu aku deka nguse ari sukut pengaya leka jaku iya nya hiperbola enggau mentafora. Hiperbola tu siti ari pengaya leka jaku ke mansik senentang meri banding ngagai utai ke di sema nya nyau kelalu sereta ngilah ari adan. Hiperbola tu mega dikena nunjukka reti utai tauka lekajaku, ayat tauka rambai jaku ke lebih – lebih. Ambika chunto ba dalam leka main pantun enda ampit orang indu ba atas  nya:

Bangat tak nyelai ati datai ari kampung sunyi

Ka nyadi kerani duduk di kerusi nya minja intan

Manah wan jelu menarat enda ninga dik menyadik

Ngumbai diri berita lanchat ngelaban jugam

Dalam genteran pantun ba atas nya, dia kitai ulih meda rambai jaku ke dikena iya nya ka nyadi kerani duduk di kerusi nya mija intan. Ba genteran nya, madahka utai ke deka dipadahka iya nyau lebih – lebih sereta reti iya nyau dikerajuka. Maya iya ke nyebut kerani nya duduk ba kerusi mija intan, nyau lebih amat mija nya disemaka iya nyau baka intan. Kitai semua nemu, mija semina ulih digaga ngena kayu lalu bisi gak ngena kaca enggau barang plastik. Nya alai, maya iya nyemaka mija nya baka intan nyau udah kaya amat kerani ke duduk ba kerusi mija intan nya. Pia mega, ba genteran ngumbai diri lanchat ngelaban jugam. Ba genteran tu nyau mandingka pengering siku – siku mensia, ba ayat nya  mega iya madahka lanchat ngelaban jugam. Naka meh penegring mensia nya ngelaban jugam enggau tubuh murus. Nya meh meri pansik ke engkeman ngagai reti pengaya leka jaku hiperbola tu.

Kelimpah ari nya mega, hiperbola mega bisi dipeda ba genteran tu;

Kati dik nemu nya landak ka mumpung tuak sari semalam

Ba ditu, kitai nemu mega tiap iti genteran nya ngembuan hiperbola ke diri empu. Dini kitai kala  mumpung ai tuak. Nya meh ke meri reti ngagai hiperbola ba genteran tu. Kitai semua nemu mega semina mensia ke aja nemu mumpung ai tuak. Ukai nya aja, ba ditu iya meri watak landak nyadi watak mensia ke madahka sida iya ngambiska tuak nya sari semalam. Watak mensia nya di lebih lebih ka agi ngagai watak landak awak ke iya nyadi watak ke bisi banding lalu meri reti ke lebih – lebih ngagai watak nya.

            Ba nguse leka main tu mega, aku bisi mega deka nguse pengaya leka jaku simbolik. Simbolik tu siti ari pengaya leka jaku ke meri imej siti – siti utai nya dikena meri lambang tauka kelai. Ambika chunto iya baka ba genteran tua;

                        Pama nya orang indu ngumbai diri tau berita

Ngintu tekura pedis pala sakit lengan

Buang indu bantang ngumbai diri nemu nimang lalu beramban

Ba genteran tu kitai tau nemu iya meri simbolik ngagai orang indu ngena nama jelu. Baka ba genteran keterubah nya, pama nya orang indu ngumbai diri tau berita ngintu tekura pedis pala sakit lengan. Ba ditu iya meri lambang tauka kelai ngagai orang indu tin emu berita sereta nemu berubat ngintu orang laki ke sakit tauka orang bukai ke enda gerai. Pia mega ba genteran ke tiga nya madahka baung indu bantang ngumbai diri nemu nimang lalu beramban. Ba ditu iya meri kelai ngagai sida ke indu tin emu ngereja pengawa sebaka enggau orang laki lalu watak baung ditu mai simbolik ngagai orang indu ke ulih bediri sama tinggi lalu duduk sama baruh enggau orang laki. Nya meh reti genteran ke deka dikenataika orang ke bepantun nya.

Kesimpul iya, ba pantun tu semina leka main dikena beperindang aja. kebuah iya semina nyadi ba pengidup iya ke bepantun nya empu.

Jurai senentang penteba, konsep enggau funsyen litaricha sereta leka main dalam konteks penyerakup raban bansa Iban

1

1. Pengelala senentang litaricha.

Bisi beberapa iti konsep litaricha Iban ti enda tau enda ditemu bala pengajar tauka nembiak ti belajarka jaku Iban. Dalam kereja kus tu konsep ke deka dikenang iya nya konsep litaricha lama, klasik tauka litaricha oral. Sepengudah nya kitai betelansat ngagai reti konsep litaricha tradesyenal enggau litaricha moden.

Leka jaku ‘litaricha’ nitihka penemu Lady Murasaki, iya madahka bakatu;

The storyteller’s own experience of people and of things – not only what he has passed through himself, but even something that the has only heard about – has moved the writer to an emotion so passionate that he can no longer keep it shut up in his heart. Again and again something in his own life or in the life around him seems so important that he cannot bear to let it pass into oblivion. There must never come a time, he feels, when people do not know about this.

Iya madahka, litaricha nya siti ari peneleba orang becherita ukai semina ari iya empu tang iya ninga ari orang bukai.

Nitihka bub, Sylvan Barnet e.t, 2008;

First, the word ‘literature’ can be used to refer to anything written. ana n

bepantun nya empu.a main dikena beperindang aja. kebuah iya semina nyadi ba pengidup e ulih bediri sama tinggi lalu du

Reti iya, litaricha nya madahka nama utai ke ditulis ba atas bup.

Konsep litaricha.

Bisi beberapa iti konsep litaricha Iban ti enda tau enda ditemu bala pengajar tauka nembiak ti belajarka jaku Iban. Dalam kereja kus tu konsep ke deka dikenang iya nya konsep litaricha lama, klasik tauka litaricha oral. Sepengudah nya kitai betelansat ngagai reti konsep litaricha tradesyenal enggau litaricha moden.

Leka jaku ‘litaricha’ datai ari leka jaku English ti dikumbai literature tang reti literature tu besai amat bungkur iya laban nyengkaum semua bansa karang mensia dalam dunya tu. Nitihka penemu Chris Baldick(1981:124) iya nya a body of written works related by subject-matter. Reti nya, nama aja bansa karang iya tau dikumbai litaricha. Kamus Inggeris-Melayu Dewan ba tahun 2002 meri difinisyen ti lebih kurang sebaka enggau difinisyen ti kedua, iya nya creative writings. Creative writing reti nya sebarang karang kreatif pasal sesebengkah pekara sekalika karang dalam novel, cherpan, drama, leka main enggau ti bukai agi. Ba reti kedua tu nyemetak agi pasal  leka jaku literature laban bungkur reti iya lebih komprehensif ngagai pengawa nengkebang ngena leja jaku.

Nitihka ba bup Litaricha Iban Chemeline Usop, Hasim Awang(1985) madahka litaricha tu kereban ti diasilka ari karang sastera- nya iya dikumbai kesausasteraan. Dalam bup nya mega, dalam jaku Melayu madahka sastera tu datai ari leka jaku Sanskrit ti disebut castra, reti nya bup. Kitai Iban nadai leka jaku kesusasteraan nya alai kitai minjau ari jaku English iya nya literature, tang taja pia konsep penemu asal enggau penemu senentang asik karang nya sebaka enggau konsep asal karang kesusasteraan. Ba penemu orang ke ngarang karang nya, litaricha Iban iya semua asil ‘seni’ ti dikenataika tauka ditulis ngena jaku Iban lalu ukai ngena jaku bukai.

Konsep litaricha oral

Sebedau litaricha betulis(bechelak) tu ada menya, endang iya udah bisi litaricha tang maya nya semina litaricha lisan/oral. Litaricha lisan tu mih litaricha ti ditengkebang lalu ditusi orang siku ngagai orang bukai lalu orang ti nusi cherita ngagai orang bukai di menua bukai tauka ba sebarang alai enggau ba sebarang maya(Chemeline Osup, 2011). Nya alai litaricha Iisan nadai orang ke ngarang tauka orang ken gaga iya. Kebuah pia bagi semua orang ke nerima sesebengkah cherita ngagai orang bukai di menua bukai lalu sida iya ke nusi cherita nya tau nambahka ngurangka jalai cherita nya nitihka peneka ati sida. Nya semua bepanggai ba pengelandik siku – siku orang nya betusika cherita nya. Nya alai litaricha lisan beguna bendar ke daya pengingat orang ke becherita dikena iya nyadung litaricha nya ari siti generasyen ngagai siti generasyen. Ngena jaku ke muntang litaricha lisan nya meh dikumbai litaricha kitai Iban ke paling tuai sebedau semua litaricha ke ditusi nya dichelak tauka ditulis ba dalam bup.

Konsep litaricha tradesyenal.

Litaricha tradesyenal ba bup Chemeline Osup(2011) madahka litaricha tradesyenal tu tusah tauka mar amat dipejuraika. Kebuah pia laban kitai nyau beratika konsep bukai ti besangkut paut enggau tradesyenal. Pia mega litaricha tradesyenal tu mega disebut litaricha klasik enggau lama. Ba bup Chemeline tu, litaricha lama nya mai reti having existed for a long time iya nya nitihka Kamus Inggeris – Melayu(2001). Iya nya udah tuai. Nya alai litaricha lama nya mih litaricha ti udah tuai tang utai ti lama ngembuan sifat ti Sentara laban pekara ti baru tau datai lalu udah nya iya tau nyadi lama laban ke baru bisi datai baru. Pia mega utai ke lama mudah amat enda dikingatka kitai lebuh bisi utai baru nganti iya datai.

Litaricha klasik nya gaya tauka standard ti enda berubah. Ngena jaku ke siti, iya bisi nilai kediri empu ti enda berubah tajapan timpuh enggau jeman berubah tu nitihka penemu Siti Hajar enggau Kamarudin Haji Husin, 1999.  Ba reti leka jaku ke bukai mega litaricha klasik enggau litaricha lama tu nyau deka sebaka laban ti ngembuan sifat, tradisi enggau pentenba lama sechara turun – temurun lalu enda berubah reti iya. Pandak jaku, litaricha klasik enggau litaricha lama nya meh dikumbai litaricha tradesyenal.

Konsep litaricha moden.

Bida mega ba litaricha moden. Konsep litaricha tu mega bisi mar mimit diperetika laban bisi berkaul engau timpuh sereta penteba litaricha ti diasilka maya nya kitai tau ngumbai iya litaricha moden. Richard Ellman enggau Charles Fiedelson dalam bub seduai iya The modern traditions; Backgrounds of Modern Literature madahka modenisme lebih ngemeratka pola tauka paten ti dikembuan litaricha nya. Reti nya, litaricha nya “bebas” ari kovensyen tauka leman (nyengkaum sikap) ti sama. Penemu (Yahya Ismail, 1976:2 – 3), madahka leka main ke ngayanka konvensyen nya chara pengarang bepikir enggau runding ti baru ti dibantaika sida dalam litaricha nya. Pia mega penteba enggau tukuh leka main dipeda gaya penteba tukuh litaricha nya empu. Semua penemu tu di ambi ari bup Chemeline Osup, 2011. Ambika chunto iya baka dindang kitai bansa Iban udah dipeda jauh nyimpang sereta nyelai ari bansa leka main ti bukai ketegal iya ditengkebang empat baris, chunto iya tau dipeda ba bup Janang Ensiring lebuh iya ngarang dindang Ngelar Menua Sarawak. Maya Janang Ensiring ngaga dindang tu suba, taun nya mega penyerara leka main tradisyenal enggau leka main moden iya nya ba taun 1967. Ambika chunto mega, ngelama tu litaricha kitai Iban nadai kala bisi sajak, syair tauka pantun bansa enggau Melayu, tang Janang Ensiring udah ngarang leka main Dunya tu Panggau Pengelulu ba taun 2010. Taja pia, litaricha moden , karya kitai Iban udah ngembuan sifat ti baru, iya nya bepelasarka gaya pengidup ti bendar, situasyen ti amat. Konteks ti nyemetak tauka peristiwa ke bendar enggau mensia ti bendar lebuh cherita nya ditulis tauka dikarang. Pia mega latar enggau timpuh iya mega agi ba dunya nyata. Pengarang ba litaricha tu mega nyau bekenangka pasal patriotisme, propaganda, politik pengawa nipu enggau makai suap sereta pengawa ke bukai agi.

Penteba Litaricha Tradisyenal

            Litaricha tradisyenal mega tau dikumbai litaricha klasik tauka litaricha lama. Litaricha tradisiyenal tu ngembuan pentaba kediri empu. Litaricha tradisyenal dikerembaika ngena chara lisan lalu iya tau ditambah tauka dikurangka isi enggau jalai cherita. Tu mih sekeda sifat litaricha lisan ti ngasuh iya nadai benama pengarang. Litaricha klasik iya nya gaya tauka standard ti enda berubah. Ngena leka jaku ti bukai,iya bisi nilai kediri empu ti enda berubah taja pan tipuh enggau jeman berubah. Kebuah pia laban iya ti dikerimbaika ngena chara lisan menya enda ulih diubah kitai diatu,litaricha ti nadai benama menya enda ulih diubah kitai diatu lalu pia mega  penteba ti endang enggi litaricha lama pan enda ulih diubah kitai diatu. Berindik ari nya,sastera klasik ngembuan sifat,tradisi, enggau penteba lama sechara turun-temurun lalu enda berubah.

Litaricha tradisyenal bisi ngembuan tema,penyedang gaya,penemban, enggau struktur ti tentu. Karya litaricha tradisional endang aris tradisi enggau daya idup Iban,berengkah ari asal penatai utai,jerita jelu,jerita antu,mitos,lagenda enggau jerita ngasuh ketawa. Sekeda litaricha tu dianggap kudus laban dikena ngagauka Petara kitai dalam  ritual ti dipejalaika lebuh maya gawai baka leka main kategori invokasyen. Litaricha tradisyenal bisi ngembuan leka main pemerindang enggau leka main adat.. Leka main pemerindang endang iya meruan dikesuh ngelama tu lebuh maya eka beperindang enggau pangan diri lalu leka main adat basa mayuh dikena lebuh nyambut tauka nempara temuai ti datai ngagai rumah panjai maya bisi pengerami tauka gawai.

Penteba Litaricha Moden

            Litaricha moden bisi besangkut enggau timpuh sereta penteba litaricha ti diasilka maya nya. Richard Ellman enggau Charles Fiedelson dalam bup seduai iya The Modern Tradisional ;Backgrounds of Modern Literature madahka modenisme lebih ngemeratka pola tauka paten ti dikembuan litaricha nya. Reti nya, litaricha nya “bebas” ari konvensyen tauka leman ti lama. Penteba litaricha moden ulih dipeda sekalika litaricha nya nyengala nyelai sereta limpang ari konvensyen(gaya) karang ti lama.Chunto iya,dalam genre leka main, dindang Iban udah ada lalu iya udah dipeda jaun nyimpang sereta nyelai ari bansa leka main ti bukai ketegal iya ditengkebang empat baris baka ti diasilka Janang Ensiring dalam bup iya Ngelar Menua Sarawak.

            Dalam litaricha moden,karya kitai Iban udah ngembuan sifat ti baru,iya nya bepelasarka gaya pengidup ti bendar,tempat ti bendar,situasyen ti bendar,kontek ti bendar,peristiwa ti bendar enggau mensia ti bendar lebuh cherita nya ditulis. Latar timpuh enggau tempat endang ba dunya nyata. Litaricha moden begunaka kreativiti pengarang enggau peneleba sida pasal pekara enggau peristiwa ti didinga enggau dipeda sida. Lebuh sida mantaika karang tu,endang bisi mesej ti enda nyengala ti deka dikenataika ngena chara kelaung,neresa gaya sindir,alegori,sempama,symbol enggau ti bukai. Litaricha moden tu besifat didaktif,iya nya maya ngenataika  lalau pendiau enggau ajar dikena ngemenyanaka mensia. Novel,cherpan,drama enggau leka main bela ngundan ukur pendiau ti ulih diambi ke teladan enggau ke tenggau kitai ba dunya tu.

Fungsyen litaricha dikena nyerakupka raban bansa.

Ba litaricha bansa kitai Iban mayuh amat fungsyen ke manah dikena nyadika peransang lalu napi nyerakupka raban bansa. Keterubah iya, litaricha kitai Iban endang ngemeratka pengelantang enggau pengelikun raban bansa, nadai ngemediska ati orang sereta nadai bejai sapa – sapa maya orang bukai ke macha litaricha kitai Iban. Rindu amat maya macha litaricha kitai sekalika iya nguna watak mensia, antu, ikan tauka burung. Kebuah pia laban litaricha menya endang bekonsepka pemerindang dikena ngelantangka ati tang ukai dikena ngemuaska ati diri aja. ambika chunto sema meh litaricha nya litaricha lisan, ba litaricha nya mayuh amat bekeknangka rampa menua ke manah lalu bekaul enggau daya idup kitai Iban empu. Watak ke dipilih mega semina dikena ngerembaika jalai jerita lalu dikena ngemanahka cherita. Watak ke dipilih mega selalu ngembuan pengelebih tauka pengurang iya empu. Watak ke kering selalu amat dipadahka menang dikena ngelaban watak ke lemi tuju iya dikena ngayanka pemendar enggau reality idup kitai Iban. Baka cherita Apai Saloi, tajapan cherita iya selalu ditusi kitai siku watak apai tuai orang ke beli sereta mapap tang ba dia kitai tau bulih ajar sereta penemu baru dikena kitai ngubah pengidup kitai empu.

Kedua, litaricha kitai Iban mega bisi ngembuan alegori tauka sema banding awak ke nyadi teladan, chuan, malin, peduman, pesan, mesej, ajar, lalau enggau jaku tangkan bala pengarang nagagai bala mayuh sereta pemacha ngambi sida iya belajar ari peneleba enggau pemaik dalam litaricha lalu nyadi mensia ti menyana. Nya alai fungsyen litaricha kitai Iban nya dikena ngedang pengidup kitai awak ke bisi kualiti tauka pemanah lalu tak enda idup ngapa baka selama. Ambika chunto baka cherita Kelemayang Pengerindu, ditulis Johnny Chuat ba taun 2011. Dalam cherita nya mayuh amat bekenangka pengidup raban bansa Iban ba rumah panjai lalu agi begunaka daya idup sereta adat ke suba. pia mega dalam cherita nya madahka pegidup siku – siku mensia ke negmbuan juluk ati sereta pemai ati ke  meruan. Dalam cherita nya mega bisi ngembuan ajar ke manah baka anang jai enggau orang, sereta anang ngasaka ati oaring enggau mayuh agi plot ke manah ba dalam bup nya.

Tajapan fungsyen litaricha kitai Iban ngembuan fungsyen ke besai bendar iya nya merindang kitai tang iya agi bisi konsep ngajar. Nya kebuah pengidup kitai bisi begulai sejalai, pengelurus runding, pengawa ngerupan, enggau beduruk sereta pengawa ke agi bekabih enggau nya, ari nya tadi kitai nemu kitai Iban dikarapka enda bangat tak kelalu berundingka diri aja dalam pengidup begulai enggau pangan diri tauka enggau raban bansa bukai.  Enti litaricha kitai Iban nya manah iya tau nyadika pengelala tauka identity kitai bansa Iban lalu mega enda tinggal iya ngayanka penulin bansa kitai. Nya alai pengarang ke ngarang siti – siti jerita nya diasuh nangkanka jaku pesan lalu jaku nepuka jaku ajar dalam jerita ke dikarang nya.

Pia mega, litaricha kitai Iban mega ngenataika lalau pendiau enggau ajar dikena ngemenyanakan mensia. Semua mesej tauka pesan ke dikenataika bala sida karang, novel tauka cherpan nya bela bisi ngundan tukur pendiau tu ulih diambi kitai ke teladan enggau ke tenggau kitai ba dunya tu ngambika sida ke buta moral tauka sida ke macha nya tau berubah lalu tau enchelak ngujungka sida iya nyadi manah. Pemanah utai ke dikenataika sida pengarang ba novel, karang, cherpan tauka ba leka main nya endang ngembuan tuju ke nemba sereta iya mungkur semua tukur pengidup kitai mensia ke macha nya, kebuah pia dalam leka main tauka novel nya bisi gak bisi ngembuan reti ke belalai sereta ke bekarung nya meh siti jalai dikena meri pemanah ba jerita ke digaga kitai nya. Nya meh meri ajar ngagai kitai awak ke ruang bilik kitai enda pecha, nagang kitai ngirup nyak kelalu, anang makai dadah ke ngerusak nyawa, lalu bisi meransang kitai nyadi mensia ke ransing gawa lalu enda ngelusu maya gawa awak ka idup kitai tau meruan. Nya ke ngembua ajar manah lalu iya ulih napi sereta ngeyadika penyerakup raban bansa nengah litaricha kitai Iban .

Simpul penemu.

Ba jurai senentang konsep, penteba enggau fungsyen litaricha Iban tadi kitai tau nemu kitai bansa Iban mega endang siti ari bansa ke bisi ngembuan tukuh sereta bisi ngeluarka mayuh macham bansa litaricha sebaka enggau bansa bukai ke bisi ngaga litaricha sida iya ke diri empu. Ba litaricha nya meh kitai mantai ke pemanah daya idup kitai, chara kitai idup sereta adat kitai Iban. pia mega bakani litaricha oral/lisan nya tau nyadika litaricha klasik laban penteba enggau tradisi iya agi sama lalu ngembuan tukuh ke agi bekabih. Pia mega, litaricha tradesyenal mega siti litaricha lama, kebuah pia iya agi bekaul enggau litaricha lama enggau klasik. Litaricha moden nya siti ari litaricha ke baru lalu iya ditengkebang bala sida ken emu agi baka sida Janang Ensiring enggau mayuh agi pengarang bup ke pandai lalu betuliska bup pasal utai baru lalu nya ke  ngasuh bisi bida antara litaricha tradesyenal enggau moden. Fungsyen litaricha mega endang entap ba litaricha kitai Iban, kebuah pia mayuh litaricha kitai Iban ngembuan jaku ajar, peduman ke ulih ngasuh orang nemu daya idup sereta pemnah idup kitai. Udah nya, litaricha kitai enda negu pasal pengarap enggau bansa orang bukai ke ngasuh orang pedis ati sereta begedi, pia mega litaricha kitai Iban enda nyindir sereta meri jaku jai ngagai orang,

1.    Kereban sanding.

Bup sereba reti.(2011). Tun Jugah Foundation. Kuching.

Casper Kayong Umping.(2010). Raja Sengalang Burung. Sarawak Iban Writers Association.

Sibu.

Chemeline Osup.(2011). Litaricha Iban. Pegari Iban Production. Bintulu.

Kamus Dewan Edisi Keempat.(2007). Dewan Bahasa dan Pustaka.

Rohana Hassan @ Norshamiah Othman.(2010). Antologi Harga Remaja @ Novel Melunas

Rindu. Penerbit Ilmu bakti Sdn. Bhd. Selangor.

Sylvan Barnet @ William E Cain.(2006). A Short Guide To Writing About Literature. Copyright

by Sylvan Barnet @ William E Cain.

Sylvan Barnet, William E Cain @ William Burto.(2008). An Introduction To Literature .Copyright

Sylvan Barnet, William E Cain, William Burto

Vinson @ Joanne Sutlive.(1994). Handy Dictionary of Iban and English. Tun Jugah Foundation.

Kuching.

http://www.moe.gov.my/bpk/pNp/jaku_iban/sistem_jaku/index.htm diakses kena 19 julai.

LARAS BAHASA DAN PENGGUNAAN KESANTUNAN BAHASA. (LEBAS JAKU SERETA PENGALUS JAKU)

Tabi puji.

Keterubah aku chukup beterima kasih ngagai Tuhan laban udah meri peluang ngagai aku nembuka kereja kus tu enggau manah sereta dianjung maya timpuh ti diasuh. Ukai nya aja, aku mega meri besai terima kasih ngagai pengelicha kereja kus tu iya nya pengelicha ***** laban udah meri peransang sereta chara ti betul maya ngaga kereja kus tu. Enti nadai iya jangka aku enda tembu kereja kus tu. Pia mega, terima kasih ngagai iya laban udah meri penerang ti chukup terang lalu ulih diperetika aku maya deka ngaga kereja kus tu.

Enda tinggal mega ngagai apai enggau indai aku ti udah meri sukung moral ti positif maya aku ngaga kereja kus tu. Meri besai terima kasih ngagai seduai iya laban udah meri sukung ari segi duit enggau peransang ti manah maya begagaka kereja kus tu. Kelimpah ari nya, terima kasih ngagai bala aka-aka**** ke tuai agi ari kami laban udah meri penerang senentang baka ni ngaga kereja kus tu enggau manah sereta betul.

Meri terima kasih mega ngagai bala kaban aku empu ti udah betulung maya ngaga kereja kus tu baka sida ******** sereta enggau bala kaban ke bukai ti udah besaup ngerekai penemu ba topik kereja kus tu. Pemanah kita dikingatka aku belama.

Jaku pemuka.

Dalam kereja kus ke sekali tu kami diasuh ngaga siti  pengawa ti mansik senentang bansa enggau penteba lebas jaku pia mega lalu bejuraika ukur pengalus jaku ba raban bansa Iban. Lebas jaku iya nya siti ari pansik chara enggau gaya ngaga sesebengkah jaku. Nitihka penemu orang ke anda senentang bidang tu madahka lebas nya tukuh jaku ti dikena nitihka siti-siti situasyen ti enda sama. Halliday (1968) nerangka lebas jaku nya variasyen jaku ti bebida bepelasarka fungsyen iya. Iya madahka lebas jaku berubah-ubah nitihka situasyen. Aku dipinta ngaga siti kereja kus ti mansik penteba semua sebelas iti bansa lebas jaku ke bisi dipansik.  Ba semua tu mega aku bisi nerangka senentang semua bansa lebas jaku nya. Pia mega semua lebas jaku nya bebida lalu bisi tukuh Kediri empu.

Lalu dalam kereja kus mega aku diasuh mansik siti teks karang ti ngiga pengalus jaku dalam lebas jaku ba raban bansa Iban. Dalam sebelas lebas jaku nya endang mayuh lebas jaku ti mayuh ngundan teks Kediri empu. Dalam teks nya aku deka milih teks karang ti deka dipansik bepelasarka tukuh tauka penteba lebas jaku nya tadi.  pia mega,  dalam karang nya aku diasuh ngiga pengalus jaku bepelasarka tukuh lebas jaku ke dipilih dalam teks karang. Dalam bidang tu, endang begagaka senentang enggau lebas jaku aja. Kepenudi iya, aku deka ngaga refleksyen bepelasarka nama utai udah gaga tadi. enda ngira nya penanggul maya ngaga kereja kus tauka pengulih ti positif maya begagaka kereja kus tu.

Lebas jaku

Definisyen lebas jaku

1.         Lebas jaku tu nerangka chara enggau gaya ngena sesebengkah jaku

2.         Ure enggau Allis (1977) madahka lebas nya tukuh jaku ti dikena nitihka siti-siti situasyen ti enda sama.

3.         Halliday (1968) nerangka lebas jaku nya variasyen jaku ti bebida bepelasarka fungsyen iya. Iya madahka lebas jaku berubah-ubah nitihka situasyen

Tukuh lebas jaku

Lebas jaku ti nadai sama ditisih dua bengkah.

Tukuh bekabih enggau sesebengkah pengawa jaku.

Tukuh linguistik.

Tukuh bekabih enggau sesebengkah jaku ulih ditisih ngagi dua bengkah.

Situasyen luar

Situasyen ngelingi

Situasyen luar tu iya nya Situasyen luar nya latar sosial daya idup seebengkah orang ti bejaku ngena jaku nya.

Situasyen ngelingi tu iya nya pekara ti bekabih enggau jaku. Empat pekara ti bekabih enggau situasyen ngelinggi iya nya:

Chara ngenataika jaku (randau, betulis,jaku isyarat)

Kaul sosial entara orang ti ngena  jaku nya.

Pekara ti dikerandauka.

Tuju sosial pengawa jaku nya sekalika rasmi tauka enda rasmi

Tukuh linguistik

Tukuh linguistik nya mai reti teba sistem jaku baka munyi, leka jaku lalu mega rambai jaku enggau ayat. Munyi tu iya nya sada nyawa ti dikena lebuh maya kitai bejaku tauka lebuh maya drama. Leka jaku  nemban bepelasarka bidang, kolokasyen (dua leka jaku ti bekaling sebut, leka jaku Injau). Ayat  ari segi tengkebang, tusun pemanjai.

Format lebas jaku

Lebas jaku ngembuan format kediri empu baka ti di baruh tu:

Lebas jaku undang-undang.

Lebas jaku Iklan.

Lebas jaku bejaku.

Lebas jaku ripot berita dalam surat kabar.

Guna lebas jaku

Dikena berandau dalam mayuh bengkah kaul sosial

Ulih mandangka pemesai guna iya

Dikena mantaika penerang tauka informasyen ke nyemetak serta terang

Lebas jaku mandangka latar penatai iya ke mansutka penemu-pengajar, orag bumai

Ulih dikena nerenakka nilai ngatur diri bekempit enggau rampa menua endur diau.

Ulih ngerapitka kaul sosial enggau orang bukai-maya nyampil diri berandau enggau org bukai

Dikena mandangka penerang pekara ke dipetungkapka-endang ngundan leka jaku ke bisi kaul enggau pekara ke dipetungkapka.

Lebas jaku beduduk ai 3 pekara :

Batang pekara

Chara mantaika pekara

Gaya batang pekara

Lebas jaku tau dibantai ngena chara betulis tauka enda betulis:

Teks jaku

Teks buluh balang

Ripot

Surat rasmi

Chunto chara ke dibantai ngena chara enda betulis (lisan) :

Bejaku enggau raban komuniti

Nusui cherita

 Nyadi buluh balang ba sesebengkah pengawa

Kitai ngembuan 11 bansa lebas jaku iya nya baka:

1

Lebas Jaku Selama

7

Lebas Jaku Rencana

2

Lebas Jaku Iklan

8

Lebas Jaku Undang-Undang

3

Lebas Jaku Sains

9

Lebas Jaku Pengarap

4

Lebas Jaku Media Massa

10

Lebas Jaku Kreatif

5

Lebas Jaku Akedemik/Intelektual

11

Lebas Jaku Ekonomi

6

Lebas Jaku Lumba enggau Main

1.    Bansa enggau penteba lebas jaku

1.1.        Lebas jaku akademik.

Lebas jaku akademik dikena dalam bidang ilmiah. Lebas jaku tu betukuh formal enggau bisi objektif tauka tuju. Gaya jaku ti dikena iya nya chukup engkeman iya nya bisi ngembuan jurai ti nemban lalu bisi empas ti beguna. Lebas jaku tu mega betukuh khusus lalu susah diperetika. Semina siku – siku kitai t ibis ngembuan penemu ti bekaul rat enggau perkara ti deka dipejuraika aja ti ulih meretika lebas jaku tu.

Lebas jaku amat ngemeratka pemadas ba maya ngenataika iya lalu ngeduluka utai ti beguna baka utai ti dipandangka, betanya saut enggau bejuraika siti-siti perkara. Ba dalam lebas jaku akademik tu mega bisi ngembuan sukut perening ari orang ketiga, maya betulis ti meda ragam ayat pasif enggau ayat turu. Ukai nya aja, lebas jaku akademik tu mega bisi ngembuan note Kediri, kereban sanding enggau indeks..

Penteba tauka tukuh lebas jaku akademik iya nya betukuh ilmiah, formal lalu bisi tuju tauka objektif. Ukai nya aja, gaya jaku ti dikena bisi mantaika penyulin ilmiah lalu bisi ngenataika buah runding, jurai enggau engkeman lalu nemban.  Kelimpah ari nya, istilah ti dikena mega khusus lalu tusah diperatika orang ti enda bepelajar tinggi.

Pia mega, lebas jaku tu bisi ngembuan pamanah jaku baka entap, bisi penekan, mayuh variasyen lalu ngemai empas ti postif lalu bisi pemanah ari perening visual. Pia mega bisi negeduluka baka utai ti deka dipandangka, bejuraika siti –siti perkara enggau berandauka siti – siti topik. Kepenudi iya bisi ngembuan tukuh betulis ti bisi ragam ayat pasif enggau ayat turu lalu bisi format baka note Kediri, kereban sanding enggau indeks.

1.2.        Lebas jaku sains.

Definisyen

Tukuh – tukuh lebas jaku sains iya nya  lebas jaku ke ilmiah enggau enda formal sereta enda ngena jaku ti besilup. Betukuh intelektual, saintifik, formal enggau bisi tuju tauka objektif. Pia mega informasyen ti diberi bepelasaarka pansik ti likun enggau fakta ti ngena. Pia mega bisi begunaka fakta ti terang enggau engkeman.  Lebas jaku tu mega mayuh begunaka bemacham istilah sains enggau teknikal. Ukai nya aja, kemayuh agi maya ngena istilah – istilah injau ari jaku inggeris.

Lebas jaku tu mega mayuh begunaka, lebih mayuh ngena jaku nama enggau sagam ayat pasif. Ukai nya aja, lebas jaku tu mega betukuh jaku moden, betukuh formal lalu enda begunaka jaku sempepai alai. Ulih dibagi ngagai mayuh subbidang baka lebas fizik, biologi, kimia enggau teknologi.

Chunto lebas jaku sains ulih dipeda dibaruh tu.

 “ai ujan dipeda ari asal iya endang sigi bisi ngundan asid laban respon iya enggau gas karbon   dioksida maya begulai dalam atmosfera lalu nyadi asid karbonik. Pia mega, tisih PH ujan iya nya 5.6”

1.3.        Lebas jaku Lumba enggau main

Lebas jaku lumba enggau main tu iya nya wachana senentang lumba enggau main. Istilah tu dikena dalam lebas lumba enggau main selalu iya merening ari sukut atur – atur lumba enggau main ti benung dipekit. Setiap lebas  jaku lumba enggau main tu bisi pengaya leka jaku Kediri empu ti bebida kelebih agi ba ayat ti khusus, struktur ayat lalu chara nyebut enggau format ti dikena.

Tukuh tauka penteba lebas jaku lumba enggau main tu iya nya informasyen ti deka dikenataika patut ngembuan kaul enggau pengawa lumba enggau main.  Ukai nya aja jaku ti dikena ba lebas jaku lumba enggau main tu sechara muntang, baka selama enggau terang dikenataika. Pia mega bisi istilah  ti bekaul enggau pengawa lumba enggau main lalu ngiga pengaya leka jaku ti dipilih iya ke mudah sereta muntang diperatika.

1.4.        Lebas jaku iklan

Definisyen.

Lebas jaku iklan iya nya jaku ti dikena ngelakuka barang-barang ke deka dijual ngagai pemeli. Iklan barang-barang dagang beguna bendar laban kemaya hari diatu, mayuh macham barang ke bisi dijual orang ba pasar lalu ngujungka bala pedagang tu deka besemekih enggau pangan diri ngelakuka barang dagang sida empu. Lebas jaku iklan bisi dua iti tukuh iya nya ba lisan enggau main tulis. Pia mega iklan mega bansa lebas jaku ti mayuh penteba. Nya alai lebas jaku iklan diperandauka sechara Kediri. Media iklan iya nya munyi, kereban chelak baka keretas, papan, plastik enggau logam lalu bisi mega pita filem. Funsyen utama lebas jaku iklan tu iya nya mandangka lalu nyual objek ti digaga iklanka. Lebas jaku tu mega endang luas chara ngena iya. Ari sukut gaya fizikal, bisi dua bansa iklan iya nya:

Iklan promosi dikena nyual barang

 Laras jenis ini menggunakan pelbagai teknik himbauan, baik pada unsur bahasa mahupun seni grafiknya. Contoh iklan ini ialah iklan yang dicetak pada bungkusan barangan (termasuk kulit buku) dan poster. Lebas bansa tu begunaka mayuh macham teknik himbauan baika ba

Iklan pemadah.

Seperti iklan tender, jawatan kosong dan ucapan takziah. Iklan ini tidak menggunakan seni penampilan yang menonjol. Ambika chunto baka ikaln tender, kereja kusung enggau kangau pengalus jaku maya urang parai. Iklan tu enda nguna seni ari sukut perening ti dipeda segenda.

Bisi begunaka element –element grafik enggau visual ti amat nyata ba iklan bechelak. Element grafik dikena ngambi sukung pemacha enggau pemeda. Lebas jaku tu ngembuan gambar tauka grafik ti engkebut enggau bis ngembuan musik ti chukup segenda dipeda ba lebas iklan peda-dinga ambika chunto ba televisyen enggau filem.

Pia mega bisi ngembuan mayuh macham chura  enggau teknik – teknik ti bisi empas ti khusus ba iklan bechelak tauka dpeda-dinga. Struktur ayat mega muntang lalu mayuh beguna ayat tunggal. Iklan iya nya lebas jaku ti paling mayuh ngena ayat tunggal siti leka jaku.

Pia mega lebas jaku tu dikena ngenataika informasyen ti beguna. Ngenataika fakta ti terang mega dikemeratka. Ayat ti muntang lalu mayuh ngena jaku sifat. Gaya jaku mega sechara imaginative lalu kreatif lalu bisi ngena jaku retorik. Pia mega, enda ngemeratka jalai jaku lalu bisi nguna ayat penyata kedir empu.

Chunto ayat:

Pechuma, sebuah telefon binching Samsung enggau maya bebelika sebuah LCD skrin Televisyen Penasonic.

1.5.        Lebas jaku letericha.

 Lebas Jaku Litaricha

            Lebas jaku litaricha dibagi ngagai dua iya nya lebas jaku kreatif enggau lebas jaku ilmiah. Lebas jaku kreatif tukuh ti bepun ari imaginasyen enggau peneleba siku-siku orang. Ambika chunto, lebas jaku kreatif tu nitihka pengering imaginasyen siku-siku mensia. Enti peneleba enggau imaginasyen iya tinggi, iya deka ulih nulis enggau kreatif agi.

            Peneleba ti dikena ngenataika mesej enggau asai ati diri ngagai orang ke macha. Ambika chunto, asai ati nya ulih dikenataika nengah chara nulis, baka nulis jerpan pandak, novel, pantun enggau drama. Ari nya, lebas jaku ke dikena nya nitihka pengelandik diri empu enti imaginasyen iya tinggi iya ulih narit ati pemacha ngambika rindu macha karya ke ditulis iya.

            Tukuh lebas jaku litaricha tu iya nya pengaya leka jaku. leka jaku ke dikena muntang diperatika, nadai ngena leka jaku teknikal. Jaku injau mega nadai dikena ba dalam lebas jaku tu. Lebas jaku tu mega ngena jaku turu dikena meri penerang dalam ayat, kebuah pia laban tiap ayat nya mesti dipadah enggau terang ngambika pemacha nyamai agi meretika utai ke dikenataika kitai.

            Tukuh senentang jalai jaku iya nya morfologi enggau sintaksis endang dikemeratka dalam lebas jaku litaricha tu. Aspek morfologi tu nyengkaum penambah leka jaku. ambika chunto, penambah leka jaku ba karya litaricha nyengkaum penambah pun, penambah kepit enggau penambah selit. Chunto leka jaku ke suah dikena orang dalam lebas jaku litaricha tu baka jaku silup baka ‘enda alah kempuk tanah seberai enda alah tunduk orang ke enggai’.

1.6.        Lebas jaku rencana

Definisyen 

Lebas jaku rencana iya nya betukuh rama ti ngenang siti – siti topik ti deka dikenang. Pengelebih lebas jalu rencana tu selalu iya ngenang siti siti pekara ti deka diperandauka tauka dipejuraika. Gaya jaku dikena mega ulih diperetika. Ukai nya aja, lebas jaku rencana mega meri ripot ngagai siti – siti pekara ti bekaul ngagai pemacha  ti dipeda rama tauka likun.

Penteba tauka tukuh lebas jaku rencana iya nya betukuh rama. Pia mega , dikena ngenataika mayuh  idea tauka buah runding dikena nerangka lalu dikena meri jurai ngagai siti – siti pekara. Lebas jaku tu  endang mudah dipereti lalu nyamai dipejuraika. Kelimpah ari nya, gaya jaku dikena  maya betulis mega chukup engkeman lalu befokus ngagai siti – siti topik  rencana nya. Kepenudi bisi betukuh ngentaika informasyen ngagai pemacha sechara rama  lalu meri meri fokus ti likun.

Chunto ayat -

Laban ti baru dipandangka, pemujur baru model Proton bedau ulih diukur. Mayuh aspek baka bala pemeli ngaga pemilih, faktor ngaga tukuh , penyamai begigaka kereban sepil lalu pengetan tauka peneguh nya patut dikenang. Model tu baru lalu mesti bisi penanggul enggau mayuh macham utai nanggul sebedau iya bulih peminta ti tinggi ba pasar, Negara tauka luar Negara.

1.7.        Lebas jaku media massa

Definisyen

Lebas jaku media massa kurang ngemeratka gaya tauka nahu, kelebih agi maya ngena penambah tauka jaku penyambung. Jaku ti dikena mega semina jaku selama  lalu betukuh ngenataika siti siti perkara ti nyadi. Pia mega , jaku dikena mega pandak lalu bisi ngundan berita ti mayuh  lalu deka dipandangka ngagai bala mayuh. Lalu, ayat ti panjai lalu bisi ngundan pengaya leka jaku, ngena teks, metafora, jaku silup istilah teknik enggau ti bukai patut dilakka. Guna lebas jaku media massa tu iya nya dikena ngenatai informasyen tauka ripot lalu ngena jaku ti paling mudah diterima bala peninga enggau pemacha. Lebas jaku tu mega enda ngemeratka jalai jaku. ukai nya aja, nadai istilah teknikal tauka khusus.

Penteba enggu tukuh lebas jaku media massa iya nya ,jaku ti dikena dalam lebas jaku iyangena jaku ke muntang. Pia mega, gaya ti dikena  maya nulis mudah diperatika. Lebas jaku tu mega ngena istilah ti nemban. Nya alai, media massa digaga dikena bala mayuh, lalu jaku kereban chelak patut engkeman enggau jaku tu ulih ditemu bala mayuh.

1.8.        Lebas jaku undang -  undang

Definisyen.

Lebas jaku undang-undang tu iya nya teks ti besangkut paut enggau undang-undang ke bisi ngembuan atur undang-undang enggau tukuh akta.  

Penteba lebas jaku tu ulih dipeda kitai iya nya ngembuan leka jaku ke mayuh agi diinjau ari jaku ribai. Kebuah pia laban, ba lebas jaku tu, kitai Iban bisi ngijau jaku ari orang Ribai lebuh ti nyebut leka jaku bansa Iban ti enggau nyadi dikelihka ngagai jaku Iban. Chunto leka jaku tu iya nya,  Argumantum ad baculum, habeas corpus,  defenden,  plantif, enggau ti bukai.

Nangkanka nya, struktur ayat ba lebas jaku tu  enda dikemeranka tang pengamat enggau penerang ayat ke paling beguna. Kebuah pia laban, ngambika bala ti ningaka penerang senentang tu ngembuan penemu sereta terang ba sida ngambika sida enda ngembuan ati ti bebelah bagi ti tau ngujungka sida tu enda puas ati enggau sesebengkah jaku pemutus ti digaga.

Kelimpah ari nya, lebas jaku tu ngembuan tuju ti nyemetak sereta engkeman. Informasyen ti engkeman sereta bisi sukung ari sekeda tanda tauka kelai (bukti) endang beguna bendar lebuh ti bejuraika sesebengkah pekara nya.   Lebas jaku tu nadai ngembuan kar perugan tauka gambar. Penerang tauka informasyen ti deka dikenataika enda begunaka kar perugan tauka gambar sekalika grim dikena meri penerang nagai bala peninga tang kelebih agi ngemeratka penemu sereta pengulih pemereti sekeda raban ti bekaul sekalika besangkut paut enggau isu ti dikerandauka.

Chunto lebas jaku undang-undang :

Hal bekaul enggau Penyarut bisi disebut dalam pekara 150 Perlembagaan Malaysia. Nitihka pekara 1, penyarut nya endang penyarut besai ke mai pengerusak ngagai pengelikun menua tauka ekonomi menua tauka nengeri-nengeri di menua Malaysia.

1.9.        Lebas jaku pengarap

Lebas jaku pengarap bisi ngembuan penteba iya kediri empu ti mida ke iya ari lebas jaku ke bukai. Lebas jaku pengarap iya nya nunjukka pengarap ke dipegai siku-siku mensia. Tiap pengarap nya ngembuan lebas jaku iya kediri empu dikena kitai muji petara sereta sembiang ngagai petara.

Lebas jaku ke suah dikena dalam pengawa tu baka leka jaku ‘Allah’, ‘hari kiamat’ enggau ti bukai. Lebas jaku tu bisi dikena semua pengarap ba menua tu enda ngira pengarap Islam, kristian, Hindu enggau Buddha. Lebas jaku tu mega meri reti besai ngagai semua pengarap laban lebas jaku pengarap tu lebih agi meri puji ngagai petara ti meri jalai pengidup ngagai kitai mensia.

Kelimpah ari nya, lebas jaku pengarap tu bisi ngena leka jaku ari Bahasa Arab ke deka bekabih enggau jaku Melayu. Baka leka jaku ‘wajib’, ‘nikah’, ‘sah’ enggau ti bukai. Lebas jaku pengarap enda betukuh teknikal baka lebas jaku sains enggau lebas jaku undang-undang, tang lebas jaku pengarap tu semina ngena leka jaku rama enggau istilah ke bisi dalam al-Quran, Bible enggau ti bukai. Lebas jaku tu mega, ngemeranka penerang ti betul enggau reti ti terang ngambika enda meri penyaru enggau disalah reti bala pemacha.

1.10.      Lebas jaku selama

Lebas jaku selama tu nadai bekabih enggau sebarang bidang penemu tauka konteks ungkup sesebengkah pengawa. Lebas jaku selama tu mega nadai ngena leka jaku teknikal lalu struktur ayat mudah, muntang enggau padat.

Lebas jaku selama tu dibagi ngagai dua bengkah iya nya lebas jaku selama formal enggau lebas jaku selama enda formal.  Lebas jaku selama formal tu dikena dalam situasyen formal lalu lebas jaku selama enda formal tu ngena tukuh jaku pasar.

1.11.      Lebas jaku bedagang

Lebas jaku tu marit orang ke meli barang ngaga jangka ba siti – siti perkara tauka ngubah ulah enggau ngaga respon ari nya. Dikena ba iklan, tender, ripot enggau mayuh agi ti bukai. Ukai nya aja, lebas jaku tu mega disukung enggau gambar, dero, grafik, ilustrasyen enggau utai bukai.

Iklan ulih diasilka ngena beberapa chara di baruh tu:

Tukuh tauka penteba:

·         slogan: kami bisi chara

·         chara madahka: Rumah tu dijual tauka disua.

·         bekait enggau konsep: Dato’ Siti Nurhaliza enggau Simply Siti.

·         Dinchirika: Kereta Waja dengan enggau kereban ti Lengkas.

·         Ngumbuk : Beli Siti, Pechuma Siti

·         Begauk: kami ngeduluka orang bebelika barang.

·         Ngena chara manding: Bateri X Lebih manah lalu tan lama.

·         Ngansak: japat ! japat ! datai mah enggau bala mayuh

·         Ngena jaku penyata: pedis punggung ken amah minyak anggat y.

1.12.      Lebas jaku ekonomi

Definisyen

Lebas jaku ekonomi iya nya siti lebas jaku ti betukuh akademik lalu ngembuan tuju dikena ngenataika informasyen senentang enggau perkara ekonomi.

Penteba enggau tukuh iya nya  betukuh ilmiah senentang perkara ti besangkut enggau ekonomi. Ukai nya aja, lebas jaku tu mega bisi ngembuan istilah teknikal ekonomi Kediri empu. Pia mega lebas jaku tu mega enda negemaratkastruktur ayat. Lalu gaya jaku ti dikena mega semina ngena gaya jaku ti formal. Lebas jaku tu mega bekenaka fakta enggau bepelasarka bukti ti nembam lalu satistik  enggau bisi ngembuan informasyen ti terang.

Chunto ayat:  

Topik : Pengguna perlu urus wang secara bijak. Orang ke bebelika barang patut ngatur duit sechara chermat. “nguruska belanja tauka duit iya nya siti faktor ti amat begun aba setiap iku kitai laban pemanah nguruska duit enda agi ulih disangkal enggau ba pengidup kitai besehari – hari. Ungkus barang ke majak niki ngemai empas ngagai utai ke dikena ngulihka duit. Harga barng ke niki mega laban inflasyen maya begunaka orang ke meli barang ti lebih chermat maya nguruska belanja tauka duit.”

 (Diambi ari Dewan Ekonomi, Ogos 2003)

2.    Mansik ukur pengalus jaku dalam pengidup raban bansa Iban ba karang ke dipilih.

Pengalus jaku

Pengalus jaku tu besangkut paut enggau chara ngena leka jaku enggau sada ti alus besebar..Iya ulih dikena mandangka adat basa enggau ulah ti mereti siku-siku mensia. Pengawa pengalus jaku bepanggai ba daya idup orang ti mekuh iya lalu enda sama ba siti-siti komuniti. Tuju pengalus jaku nya awkka semua orang ti bekabih enggau  pengawa nya berasai lantang enggau diri sama diri.

Brown enggau Levinson (1987) madahka dua bansa pengalus jaku iya nya pengalus positif enggau pengalus negatif. Pengalus positif tu mai reti pengeran ati orang ti bebiuh enggau pekara nya mekuhka kaul ti manah lalu temegah ati sereta ulih nerima pekara ti dikedeka orang bukai.

Pengalus negatif tu mai reti pengeran ati siku-siku ngenanka hak, enda bekelapungka orang. Orang ti ngembuan pengalus negatif tu bingking laban iya selalu ngasaika diri betul, enggai mina jaku lalu peraka ti salah dipadah betul ketegal ti enggai nerima penemu orang bukai. Nitihka Fraser & Nolan (1981), madahka pengalus jaku tu iya nya, lebuh berandau iya ke diguna orang ke bejaku enggau orang ke ninga ngambika dikena ngetanka kaul orang ti bekomunikasyen.

Aspek pengalus jaku

            Pengalus jaku tu ukai bekait enggau pengawa linguistik aja tang enggau pengawa luar linguistik mega. Pengawa linguistik nya nyengkaum ngena sereta milih leka jaku, frasa, ayat, rambai jaku lebuh berandau. Pengawa luar linguistik nya nyengkaum gaya mua enggau selangku tubuh.

Nitihka pansik leech (1993) enggau Brown seduai Levinson (1987) pekara ti patut diperati lebuh mansik pengalus jaku iya nya tuju enggau strategi pengalus jaku nya empu.

A.    Di baruh tu iya nya siti teks karang ti mansik pengalus jaku ari lebas jaku.

Kanowit –  Ari enam, march 23. Siku indai tuai beumur 60 taun kena rumpak maya iya ngambi duit pengandai tuai iya ba bank. Indai tuai nya madahka nama diri Lumit anak Bigang lenyau duit mata ringgit rm 500.00 ringgit lalu siti telefon binching jenama Nokia.

Maya nya, urung pukul 08.50 pagi, iya madahka endang bisi tiga iku orang laki ba dalam kerita lalu siku indu ba mua pintu bank. Maya nya mega endang nadai mayuh orang dipeda laban agi tumu lalu orang ke kereja bank enda kereja maya nya laban ujung minggu.

Raban polis ba Kanowit deka mansik perkara nya lalu sida deka nyekat semua simpang kanowit - sibu enggau kanowit – sarikei. Pia mega, polis mega deka mansik lalu meresa  kamera belalai ba bank nya.

Lebas jaku dikena dalam teks karang ba atas nya iya nya lebas jaku media massa iya nya bepelasarka penteba keterubah iya ngena jaku ke muntang aja. Ambika chunto dalam teks ba atas nya “Siku indai tuai beumur 60 taun kena rumpak maya iya ngambi duit pengandai tuai iya ba bank.”  Ba genteran ayat ba atas nya endang sigi genteran tauka ayat dikena endang muntang dipeda bala pemhaca enggau peninga. Pia mega pengalus jaku ditu iya nya pengalus jaku kitai madahka utai nya enda bepampul. Kebua pia, berita dalam teks tu madah “. Siku indai tuai beumur 60 taun kena rumpak maya iya ngambi duit pengandai tuai iya ba bank.” Pia mega lebas jaku ba ditu endang ditemu muntang laban nadai begunaka pengaya leka jaku lalu gaya betulis iya mega senang diperetika.

            Pia mega Lebas jaku dalam teks karang tu mega ngena istilah ti nemban. Lalu nadai begunaka pengaya leka jaku baka mentafora, smile enggau ti bukai. Ambika chunto dalam teks karang tu iya nya “Indai tuai nya madahka nama diri Lumit anak Bigang lenyau duit mata ringgit rm 500.00 ringgit lalu siti telefon binching jenama Nokia.”  Lalu pengalus jaku ti ulih dipeda ba ditu iya nya pengalus jaku ngangauka nama orang. Ba ditu pengalus jaku ngangauka bisi dipeda baka indai tuai, nya madahka pengalus jaku ba ditu ti bebasa lalu dikena nganti jaku penganti nama orang keterubah.  Ba ditu mega, bekena chara madahka enggau terus lalu nadai ngena jaku ti besilup.

            Bepelasarka istilah ke nemban dalam teks karang lebas jaku media massa tu mega ulih ngasuh bala peninga tauka pemacha ulih senang beratika utai di bacha lalu sida lalu teulihka penemu tauka informasyen ari topic nya enggau laju. Lalu pengalus jaku ti dipeda ba ditu iya pengalus jaku meri orang berita ti engkeman lalu enda sebubu ngapa, awakka bala pemacha tauka peninga tadi enda salah bulih penemu. Ba tu mega madahka pengalus jaku nya endang beguna laban ulih dipeda ba teks karang di atas ambika chunto “Maya nya, urung pukul 08.50 pagi, iya madahka endang bisi tiga iku orang laki ba dalam kerita lalu siku indu ba mua pintu bank. Maya nya mega endang nadai mayuh orang dipeda laban agi tumu lalu orang ke kereja bank enda kereja maya nya laban ujung minggu.” Ba genteran tu kitai endang lalu terus bulih penemu ba nya laban genteran nya endang senang diperetika lalu berurun.

                                                                                                                                        

            Pia mega ba teks karang tu mega bisi ngundan lebas jaku iya nya lebas jaku selama ti enda formal. Kebuah pia laban ba ditu semina ngena ayat kemuntang aja lalu nyamai diperetika kitai ke macha. Lalu bisi mega ngundan jaku ngenataika ripot tauka informasyen ti beguna baka ba ayat dalam genteran tu “Raban polis ba Kanowit deka mansik perkara nya lalu sida deka nyekat semua simpang kanowit - sibu enggau kanowit – sarikei. Pia mega, polis mega deka mansik lalu meresa  kamera belalai ba bank nya.”  Ba ayat tu kitai ulih meda semina ngena lebas jaku selama aja lalu enda formal. Semua kitai ulih beratika nya semina ngena ayat ke muntang aja. Lalu pengalus jaku ba ditu iya pengalus jaku ti meri penyenang ngagai  urang ke macha lalu meda teks tu,  lalu teks genteran tu nadai ngena jaku besilup lalu jaku selama dikena iya endang sigi enda formal.

Simpul penemu.

            Ari semua  utai ke udah digaga aku tadi aku deka nyimpulka enggau mung mit. Bepun ari lebas jaku. lebas jaku iya nya siti ari pansik chara enggau gaya ngena sesebengkah leka jaku. pia mega nitihka orang ke anda ba bidang tu madahka lebas jaku tu tukuh jaku dikena nitihka siti siti situasyen ti enda sama. Lalu pia mega lebas jaku tu variasyen jaku ti bebida bepelasarka fungsyen lalu berubah – ubah nitihka situasyen lebas jaku. Pia mega, lebas jaku bisi sebelas iti nitihka dipadahka ba ats tadi. Keterubah iya nya lebas jaku akademik, lebas jaku sains, lebas jaku letericha, lebas jaku iklan, lebas jaku bedagang, lebas jaku ekonomi, lebas jaku renchana, lebas jaku media massa, lebas jaku pengarap enggau lebas jaku selama. Semua lebas jaku endang bisi tukuh enggau difinisyen Kediri empu lalu enda sama laban nitihka situasyen ke diri empu.

Udahnya, aku nagag siti pansik pengalus leka jaku ari lebas jaku ti dipansik ari teks karang ke digiga. Ba dia aku diasuh ngiga siti teks karang ti khususka ngagai siti ari lebas jaku di atas tadi. Ba dia mega aku milih lebas jaku media massa enggau aku bisi ngaga lebas jaku selama iya ke  enda formal. Ari penteba tauka tukuh lebas jaku nya tadi aku lalu ngaga pengalus jaku bepelasarka tukh nya tadi. Kepenudi iya aku diasuh ngaga refleksyen senentang begagaka kereja kus tu.

3.    Refleksyen.

Ari kereja kus ke digaga aku tu, aku ulih nemu penemu baru ari topic ti dipansik  tu. Ari pengawa aku tu mega aku deka madahka senentang pekara ke dipansik aku ya tadi iya nya senentang lebas jaku lalu bejuraika penteba enggau tukuh lebas jaku nya lalu nagag siti pansik ba karang ti mansik pengalus leka jaku ba lebas jaku.

            Maya begagaka kereja kus tu, aku berasai tusah ati lebuh begigaka kereban dikena ngaga kereja kus tu. Lalu kami mayuh beguna bup jaku melayu lalu nukarka Kediri empu jaku melayu ngagai jaku iban. Ukai nya aja, penanggul awak mega nyadika penanggul. Kebuah pia laban kami ngaga tu maya pemisi lalu aku tusah ka ngaga kolaborasyen enggau kaban lalu maya nukar jaku melayu ngagai jaku Iban nya mah ngasuh awak dikena nyampal amat. Laban utai ke digaga kami tu nyau nadai ulih begigaka ba bup aja, kami semina begunaka jaku melayu lalu nukar  Kediri empu jaku melayu ngagai jaku iban. Pia mega, aku bisi nguna note pandak ke diberi pengelicha aja.

      Pia mega maya ngaga kereja kus tu aku bisi bekolobrasyen enggau pengelicha senentang kereja kus tu. Aku mega bisi bekoloberasyen enggau bala kaban ke bukai maya ngaga kereja kus tu. Mayuh aku bulih informasyen ari pengelicha sereta enggau bala kaban aku ba dalam kelas. Pia mega aku bulih mayuh sanding  penemu dikena aku ngiga lebih agi penemu dalam begigaka pansik ari librari. Aku mega senang ati laban aku bisi mega begunaka bup sereba reti ti udah dibeli.

Maya aku ngepunka kereja kus tu suba, aku rindu amai mansik kereja kus tu lalu ngaga jurai senetang lebas jaku lalu bejuraika tukuh tauka penteba lebas jaku nya lalu mansik siti karang ti ngemeratka pengalus jaku dalam lebas jaku. Ba ditu aku deka nemu  lalu aku ulih ngingatka semua tu maya aku napi peresa ila. Kepenudi iya, aku beterima kasih ngagai peneglicha laban meri aku ajar sereta chara begagaka kereja kus tu lalau aku udah ulih nembuka kereja kus aku tu enggau meruan sereta manah.

Kereban sanding.

Bup.

Abdullah Hassan. (2007). Linguistik Am. Pts Professional. Kuala Lumpur.

Marzukhi Nyak Abdullah & Samsu Yaakob. (1993). Bahasa Melayu Kertas Satu STPM.

            Masa Enterprise.  Kajang, Malaysia.

Nuraini Yusoff, Abdull Sukor Awang, Ab. Aziz Yusof & Mohd Isha Awang. (2001). Bahasa

            Melayu Pengurusan. Universiti Utara Malaysia

Raminah Hj. Sabran & Rahim Syam. (1984). Kajian Bahasa. Fajar Bakti Sdn. Bhd.

            Kuala Lumpur.

Siti Hajar Abdul Aziz. (2009). Bahasa Melayu II. Oxford Fajar Sdn. Bhd. Kuala Lumpur.

Zulkifly Hamid, RamliMd. Salleh & Rahmin Aman. (2005). Linguistik Melayu. Universiti

            Kebangsaan Malaysia. Kuala Lumpur.

 Website.

http://www.scribd.com/doc/11589816/Laras-Bahasa.  Diakses kena 23 Mac 2013

http://faculty.unitarklj1.edu.my/ALD0063/week/WEEK10/LARAS%20BAHASA.doc Diakses kena 23 Mac 2013.

* Anang nyelak pengawa orang meh enti ulih. lalu gaga pengawa kita ulih belalauka utai ke udah digaga nya. terima kasih

Show less

Laras Bahasa 

http://www.scribd.com/doc/11589816