Penerang senentang strategi ngajar enggau belajar jaku Iban sekula primari ti semitan.

Nitihka penemu Noriati A. Rashid et. al. (2015), strategi ngajar enggau belajar tu siti pengawa ti dilanggur lalu ditentuka dikena ngemudahka siti-siti pengawa belajar. Pia mega, nitihka Kamus Dewan, 1998 strategi mai reti langgur ke berurun dikena nyapai siti-siti utai. Nambahka nya mega, strategi tu siti pemandai dikena ngatur sesebengah utai. Lalu ba bidang pelajar, strategi tu siti pengawa dikena milih langkah rapat lalu pemanah ripih jalai enggau teknik ke udah dilanggur ba siti-siti pengawa ngajar enggau belajar bepelasarka objektif ke deka dijapai. Strategi ngajar enggau belajar tu mai tanggung pengawa ke besai dikena pengajar ngajar nembiak ke ngembuan penau, pengulih enggau pengerindu sida ba sesebengkah utai sekalika dalam bidang pelajar tauka ukai.

Strategi ke selalu dikena pengajar ngajar iya nya ngajar bepusatka pengajar. Ngajar bepusatka pengajar tu iya nya pengajar deka nyadi ketuai lalu ngatur semua adar tauka pengawa ke deka digaga. Nitihka penemu Brophy, 1978  ba bup Noriati A. Rashid, langkah rapat ngajar bepusatka pengajar baka tu nyamai diatur enggau dilanggur. Chunto strategi tauka teknik ngajar bepusatka pengajar tu iya nya baka bepelandai, demonstrasyen enggau becherita iya nya pengajar ke nyadi penusi jerita. Ambika chunto maya ngajar kelas tahap satu, nembiak empai mayuh nemu bejaku ba mua mayuh nambhka mega nembiak selalu empai nemu macha enggau nyepil leka jaku tauka genteran karang ke mudah. Tu ngujungka ngajar enggau belajar bepusatka pengajar agi dikena nyentukka ke diatu. Uji peda penteba ngajar enggau belajar bepusatka pengajar ba kar kutak di baruh tu;

             kar madahka penteba ngajar enggau belajar bepusatka pengajar.

Ba pengajar ke nyadika pugu megai tanggung pengawa ba proses negajar enggau belajar ditu ukai nama, laban semua utai enggau pengawa nitihka adar ari pengajar magang lalu nembiak semina nitih.  Pia mega, nengah penteba ngajar enggau belajar tu tadi nembiak kurang besosial. Kebuah pia, sida nadai begelumu lalu ngaga pengawa begulai. Pengajar mega nekanka peresa sumatif dikena meri gred ngagai nembiak. Lalu formatif enda dikena lalu pengulih nembiak ba pengelandik jaku enda ulih ditemu. Pia mega, nembiak enda rindu ngagai penerang ari pengajar laban sida nadai peluang deka bejaku. Ngasuh nembiak kelebih agi ngembuan tukuh nyadi ketuai ti autokratik laban sida nadai diberi demokrasyen lebuh ngaga pemutus. Nambahka nya mega, pengajar meri kuliah ngagai sida senentang pelajar. Pengajar mega ngemeratka pengulih objektif pelajar sida empu ukai nembiak. Ba startegi tu, nembiak kurang kreatif lalu nadai inisiatif deka belajar.

 Ba Ukai nya aja, pengajar nyadi ketuai lalu meri adar sereta ngontrol kelas nya ke ngasuh nembiak ke pasif ninga aja laban komunikasyen pengajar semina siti adar.strategi kedua, iya nya nya ngajar enggau belajar bepusatka nembiak. Strategi bepusatka nembiak tu mai reti pelajar tauka nembiak ngambi ulih mimit tanggung pengawa pengajar ke ngajar ba pelajar sida,, Noriati A. Rashid, 2015. Belajar sechara aktif nengah strategi tu deka nikika pengulih nembiak, Orlich et. al, 2007. Kebuah pia, laban fokus diberi ngagai nembiak lebuh sida begagaka aktiviti. Sida mega bisi ngambi ulih ngaga pengawa begulai enggau pengajar. Ba ditu nembiak deka belajar mayuh agi macham pekara enggau konsep. Ambika chunto, lebuh nembiak belajar pengelandik macha dia sida deka diasuh macha selampur, macha beraban lalu macha individu. Ba ditu kitai deka mai nembika begulai sama dalam pengawa belajar enggau belajar. Peda di baruh tu siti kar kutak senentang penteba strategi ngajar enggau belajar bepusatka nembiak;

Kar kutak madahka penteba strategi ngajar enggau belajar bepusatka nembiak. 

Ba ditu, nembiak lebih aktif ba aktiviti ngaja enggau belajar laban sida endang diasuh ngaga aktiviti. Pengawa besosial sida pen nyadi laban sida bisi betulung, maya ngaga pengawa tauka mantaik asil lebuh pengajar ngasuh. Nembiaklebih kretaif lalu chara belajar sida mega bisi inisiatif enggau bechura kreatif. Ba ditu, pengulih objektif nembiak dikemeratka, tang disiplin nembiak pedis dikontrol ba ditu. Strategi tu mega ngemeratka pengawa pengerembai Jasmani, Emosi, Rohani, Intelek enggau sosial. Nengah srategi tu mega nembiak ditara nyadi ketua ba dalam raban lalu sida bisi peneleba nyadi ketuai ke demokratik. Pia mega, ati sida ke deka nemu utai baru endang sigi balat. Ambika chunto lebuh pengajar ngajar utai ke enda ditemu sida, dia sida deka gagit deka nemu. Pemanah iya mega, laban komunikasyen dikena ditu iya nya komunikasyen dua adap iya nya entara nembiak enggau pengajar enggau nembiak enggau nembiak. Kepenudi, penemu belajar bepindah kin kia ba kognitif nembiak.

Strategi bepusatka sumber tuaka kereban. Strategi tu mai reti pengajar bekenaka mayuh macham kereban baka bup, kereban dro, kereban sainstifik, komputer enggau mayuh agi. Ba ditu dikemeratka ngena mayuh macham kereban dikena ngemanahka pengawa ngajar enggau belajar. Tu mega nitihka beberapa factor tauka kebuah baka objektif pelajar, utai ke deka diulihka nembiak, strategi belajar enggau pengulih nembiak, tu nitihka penemu Noriati A. Rashid et. al. 2015. Antara sumber dikena ba pengawa belajar baka slaid enggau jalur filem, projector, televisyen enggau pita rikod, model-model tiga dimensyen baka glob enggau rangka tubuh mensia, enggau pakej belajar baka komputer.

Strategi bepelasarka aktiviti tu meri peluang ngagai nembiak dikena ngelatih sida mengaplikasyenka utai ke udah dipelajar sida seharinya. Beberapa penteba ke patut dipeda ba strategi bepelasarka aktiviti tu, keterubah iya aktiviti ke dipilih mesti befokus ngagai objektif pugu topik ke deka diajar enda tau limpang. Kedua, aktiviti ke mayuh diambi kira enti iya agi besibil enggau topik ke deka diajar. Ketiga, aktiviti ulih meri peluang berinteraksyen lalu ngaga refleksyen. Keempat, aktiviti ke dipilih patut manah lalu mesti bisi meri impak ti maksimum. Ke simpul iya, kesemua empat iti sstrategi tu amat beguna lebuh ngajar enggau belajar awakka kitai patut nemu ni bagi ke nemban dikena ngajar ba kelas kitai sekalika kitai ngena ngajar enggau belajar bepusatka pengajar, bepusatka nembiak, bepelasarka sumber tauka kereban tauka bepelasarka aktiviti tuaka pengawa ke difokus.